سەۋلدە 11 تىلدە اۋدارما جاسايتىن ينتەراكتيۆتى ماشينالار ورناتىلادى
سەۋل ۇكىمەتى ەل استاناسىنا كەلۋشىلەر ءۇشىن تۋريستىك اقپارات ورتالىقتارىندا جەدەل اۋدارما قىزمەتى بار ينتەراكتيۆتى ەكراندار ورناتادى، دەپ حابارلايدى Kazinform The Korea Herald باسىلىمىنا سىلتەمە جاساپ.
قىزمەت ءتۇرى 20 - قاراشادان باستاپ ەكى تۋريستىك اقپاراتتىق ورتالىقتا - Gwanghwamun Tourist Information ورتالىعى مەن Seoul Tourism Plaza-دا قولجەتىمدى بولادى، كەيىنىرەك باسقا جەرلەرگە دە ورناتىلادى.
اۋدارما قىزمەتىنىڭ ارقاسىندا سەۋلگە كەلگەن تۋريستەر وزدەرىنە ىڭعايلى تىلدە سويلەي وتىرىپ، كومەك الا الادى.
بۇل قىزمەت جاساندى ينتەللەكت، سويلەۋدى ماتىنگە سيفرلىق تۇرلەندىرۋ تەحنولوگياسىنا نەگىزدەلگەن اۋدارما مەحانيزمىن پايدالانادى جانە اۋدارىلعان ءماتىندى ەكراندا كورسەتەدى.
قىزمەت 11 تىلدە قولجەتىمدى: ورىس، اعىلشىن، جەڭىلدەتىلگەن قىتاي، جاپون، تاي، ۆەتنام، مالاي، يندونەزيا، اراب، يسپان جانە فرانسۋز. بۇل تىلدەردى تاڭداۋ - 2019 -جىلى وڭتۇستىك كورەياعا كەلگەن تۋريستەر سانىنا نەگىزدەلگەن.
«بۇل قىزمەتتى ەنگىزۋ - سەۋلگە كەلگەن تۋريستەردىڭ ىڭعايلىلىعىن قامتاماسىز ەتىپ، قالانى ەركىن تاماشالاۋىنا ءتىل بىلمەۋشىلىك كەدەرگى كەلتىرمەيدى دەپ ۇمىتتەنەمىز، - دەدى سەۋل ۇكىمەتىنىڭ تۋريزم جانە سپورت دەپارتامەنتىنىڭ ديرەكتورى.
