پەسكوۆ: پۋتيننىڭ ترامپقا سىيلىعى جەكە سيپاتقا يە
استانا. KAZINFORM - رەسەي پرەزيدەنتى ۆلاديمير پۋتيننىڭ جەكە سىيلىقتارىنا قاتىستى جان-جاقتى اقپارات بەرىلمەيدى. بۇل تۋرالى كرەملدىڭ باسپا ءسوز حاتشىسى دميتري پەسكوۆ مالىمدەدى، دەپ حابارلايدى تاسس.
تاسس اگەنتتىگىنىڭ سۇراعىنا جاۋاپ بەرگەن پەسكوۆ پۋتيننىڭ ا ق ش پرەزيدەنتى دونالد ترامپقا ورىس سۋرەتشىسىنىڭ قىلقالامىنان شىققان پورترەتىن سىيعا تارتقانى تۋرالى اقپاراتقا تۇسىنىكتەمە بەردى.
- ايتارىم، بۇل - پرەزيدەنتتىڭ امەريكالىق ارىپتەسىنە جاساعان جەكە سىيلىعى. سوندىقتان ءبىز قوسىمشا اقپارات بەرگىمىز كەلمەيدى. ەگەر پرەزيدەنتتىڭ ءوزى بۇل تۋرالى ايتۋ قاجەت دەپ تاپسا، ونى ءوزى حابارلاي جاتار، - دەدى پەسكوۆ.
بۇعان دەيىن ترامپ كولورادو شتاتىنداعى كاپيتولي عيماراتىندا ىلىنگەن ءوزىنىڭ «بۇرمالانعان» پورترەتىنە شاعىمدانعانى تۋرالى حابارلانعان بولاتىن.
