پەسكوۆ كەللوگتىڭ ۋكراينا جونىندەگى كەلىسسوزدەردەن شەتتەتىلگەنىن جوققا شىعاردى
استانا. KAZINFORM – ر ف پرەزيدەنتىنىڭ باسپا ءسوز حاتشىسى دميتري پەسكوۆ ا ق ش پرەزيدەنتىنىڭ ارنايى وكىلى كيت كەللوگتىڭ ماسكەۋدىڭ سۇراۋى بويىنشا رەسەي مەن ا ق ش اراسىنداعى ۋكراينا جونىندەگى كەلىسسوزدەردەن شەتتەتىلگەنى تۋرالى اقپاراتتى جوققا شىعاردى، دەپ حابارلايدى Interfax.
امەريكالىق تاراپ كەللوگتى وسى سەبەپ بويىنشا كەلىسسوزدەردەن شەتتەتكەنى تۋرالى اقپاراتتى پەسكوۆتان جۇما كۇنى جۋرناليستەر سۇرادى.
- جوق، مەن مۇنى راستاي المايمىن. رەسەي تاراپى ا ق ش- تىڭ ىشكى ىستەرىنە ارالاسادى دەپ ويلاۋ - ابسۋرد. بىزدە ونداي نيەت مۇلدە جوق. ءبىز، كەرىسىنشە، بارلىق قارىم-قاتىناس ءوزارا قۇرمەت نەگىزىندە قۇرىلۋى كەرەك دەپ ەسەپتەيمىز. ءوزارا قۇرمەتتى باسشىلىققا الا وتىرىپ، ارينە، ءبىز ا ق ش- تىڭ ىشكى ىستەرىنە ارالاسپايمىز. كىمدى تاعايىنداۋ، كىمدى تاعايىنداماۋ - بۇل ولاردىڭ شەشىمى. سوندىقتان مەن بۇل اقپاراتتى مۇلدە راستاي المايمىن، - دەپ ءتۇسىندىردى پەسكوۆ.
بۇعان دەيىن NBC News ترامپ اكىمشىلىگىنىڭ اتى-ءجونىن اتاماعان وكىلىنە سىلتەمە جاساپ، ماسكەۋدىڭ ءوتىنىشى بويىنشا كەللوگتىڭ رەسەي مەن ا ق ش اراسىنداعى ۋكراينا جونىندەگى كەلىسسوزدەردەن شەتتەتىلگەنىن حابارلاعان بولاتىن.
