Silk Way تەلەارناسىندا استانا مەن بەيجىڭ اراسىنداعى تەلەكوپىر وتەدى
استانا. KAZINFORM - استانادا شانحاي ىنتىماقتاستىق ۇيىمى سامميتىنىڭ الدىندا Silk Way جانە CGTN ستۋديالارىندا قازاقستاندىق جانە قىتايلىق ساراپشىلاردىڭ قاتىسۋىمەن تەلەكوپىر ۇيىمداستىرىلادى.
تەلەكوپىر بارىسىندا وڭىردەگى قاۋىپسىزدىكتى قامتاماسىز ەتۋ، «ءۇش زالىم كۇشكە» بىرلەسىپ قارسى تۇرۋ، ش ى ۇ- نا قاتىسۋشى ەلدەردىڭ ساۋدا-ەكونوميكالىق ىنتىماقتاستىعىن نىعايتۋ سياقتى ماسەلەلەر قارالادى. ولاردىڭ اراسىندا ارينە، Silk Way مەن CGTN تەلەارنالارىنىڭ كاسىبي سەرىكتەستىگىن دامىتۋ دا بار. اتاپ ايتقاندا Silk Way تەلەارناسىندا CGTN- مەن ىنتىماقتاستىق اياسىندا «جىبەك جولى سيمفونياسى: العاشقى ونجىلدىق» اتتى دوكۋمەنتالدى فيلم مەن «شانحاي رۋحى» اتتى ستۋديالىق توك-شوۋى كورسەتىلەدى.
استانا مەن بەيجىڭ اراسىنداعى تەلەكوپىر Silk Way تەلەارناسىنىڭ ەفيرىندە كورسەتىلەدى.
قازاقستان كورەرمەندەرى ءۇشىن كورسەتىلەتىن ەفير ۋاقىتى: 28-ماۋسىم، استانا ۋاقىتى بويىنشا ساعات 19:00.
شەتەلدىك كورەرمەندەر ءۇشىن: 29-ماۋسىم، استانا ۋاقىتىمەن ساعات 01:00.
Silk Way - ەل اۋماعىنان تىس حابار تاراتاتىن قازاقستاننىڭ العاشقى سپۋتنيكتىك تەلەارناسى. تەلەارنانى 118 دەن استام ەلدەن كورۋگە بولادى. ول قازاق، ورىس، اعىلشىن، قىرعىز، وزبەك، تۇرىك سياقتى 6 تىلدە حابار تاراتادى.
СGTN - قىتاي حالىق رەسپۋبليكاسىنىڭ جاھاندىق تەليەۆيزيالىق جەلىسى. СGTN تەلەارنالارىن الەمنىڭ 160 تان استام ەل مەن وڭىرىنەن تاماشالاۋعا بولادى.
