ساۋىسقاندىق شاتقالىنداعى پەتروگليفتەر قورشالىپ، قورعاۋعا الىنادى
قىزىلوردا وبلىسى اكىمدىگىنىڭ ارنايى قاۋلىسىمەن شيەلى اۋدانى ساۋىسقاندىق شاتقالىنداعى پەتروگليفتەر كەشەنىنىڭ قورعاۋ ايماعى بەكىتىلدى.
الداعى ۋاقىتتا ءۆانداليزمدى توقتاتۋ ءۇشىن ەسكەرتكىش اۋماعى قورشالىپ، ارنايى باقىلاۋعا الىنادى، دەپ حابارلايدى Kazinform.
ساۋىسقاندىق شاتقالى شيەلى اۋدانى اۋماعىندا ورنالاسقان.
تاريحشىلار پەتروگليفتەردىڭ جاي- كۇيىنە الاڭداپ، ونى قورعاۋعا الۋ جونىندە ۇسىنىس بىلدىرگەن ەدى.
تۇرعىندار تاراپىنان تاسقا قاشالعان تاريحي ەسكەرتكىشكە جازۋ جازىپ ءبۇلدىرۋ ارەكەتى تىركەلەدى.
تاريحشىلار ءۆانداليزمدى توقتاتۋ ءۇشىن ەسكەرتكىش اۋماعىن قورشاپ، ارنايى كۇزەتشى شتاتىن ءبولۋدى ۇسىنۋدا.
قاراتاۋ جوتاسىنداعى ساۋىسقاندىق شاتقالىندا قولا ءداۋىرىنىڭ، كەيىنگى ورتاعاسىرلىق كەزەڭنىڭ سۋرەتتەرى مەن ەپيگرافيكاسى ساقتالعان.
قىزىلوردا وبلىسىنىڭ اكىمى نۇرلىبەك نالىبايەۆ باستاعان توپ اتالعان اۋماقتا سەنبىلىك ۇيىمداستىردى.
اتالعان شارا بارىسىندا وبلىس اكىمى تاريحشىلار ۇسىنىسىن شەشۋ جولدارى قاراستىرىلاتىنىن اتاپ ءوتتى.
«بۇل ەسكەرتكىش - مىڭجىلدىقتاردان بۇگىنگە جەتكەن تاريحي قۇندىلىق. سوندىقتان ونى ساقتاپ، كەلەر ۇرپاققا جەتكىزۋ - ءبىزدىڭ مىندەتىمىز»، - دەدى نۇرلىبەك ماشبەك ۇلى.
قىزىلوردا وبلىسى اكىمدىگىنىڭ ارنايى قاۋلىسىمەن جارتاستاعى بەينەلەر كەشەنىنىڭ قورعاۋ ايماعى بەكىتىلدى.
وبلىستىق تاريحي- مادەني مۇرالاردى قورعاۋ جانە پايدالانۋ جونىندەگى عىلىمي- ادىستەمەلىك كەڭەس شەشىمىمەن اتالعان ورىندى دۇنيەجۇزىلىك تابيعي جانە مادەني مۇرالار تىزىمىنە ەنگىزۋ ماسەلەسى قولداۋ تاپتى.
ناتيجەسىندە «ساۋىسقاندىق شاتقالىنداعى جارتاستاعى بەينەلەر كەشەنى» يۋنەسكو جانە يسەكو ىستەرى جونىندەگى ۇلتتىق كوميسسيانىڭ شەشىمىمەن يۋنەسكو- نىڭ الدىن- الا رەسپۋبليكالىق تىزبەسىنە ەنگىزىلگەن.
