ساتىپ الۋ سالاسىنداعى 3,5 تريلليون تەڭگەنىڭ 1,9 تريلليون تەڭگەسى عانا قازاقستاندىق وندىرۋشىلەرگە بۇيىرعان
پرەمەر- مينيستر ءاليحان سمايىلوۆ «قازاقستاندىق قامتۋ 2.0» حالىقارالىق فورۋمىندا ساتىپ الۋ سالاسىندا يمپورتتىڭ ۇلەسى ازايماي تۇرعانىن ايتتى، دەپ حابارلايدى Kazinform اگەنتتىگى.
«مەملەكەت باسشىسى ءبىزدىڭ الدىمىزعا 3 جىل ىشىندە قازاقستاندىق مازمۇندى % 60- كە دەيىن جەتكىزۋ بويىنشا ناقتى مىندەت قويدى. ول ءۇشىن قاجەتتى الەۋەت پەن رەسۋرستار بار. بۇل، ەڭ الدىمەن يمپورتقا تاۋەلدىلىكتى تومەندەتۋدى تالاپ ەتەدى. يمپورت ۇلەسى ءالى دە % 46- ءتى قۇراپ وتىر. ماسەلەن، مۇناي- گاز سالاسىندا ساتىپ الۋلاردىڭ ەڭ ۇلكەن ۇلەسى 3 ءىرى كونسورتسيۋمعا تيەسىلى. بۇل - بۇكىل ەنەرگەتيكا سالاسىنداعى ساتىپ الۋلاردىڭ % 75- ى. جىل باسىنان بەرى ساتىپ الۋلاردىڭ كولەمى 3,5 تريلليون تەڭگەنى قۇرادى، ونىڭ 1,9 تريلليون تەڭگەسى جەرگىلىكتى ۇلەسكە بەرىلىپ وتىر»، - دەدى ول.
ونىڭ سوزىنشە، تاۋ- كەن سەكتورىندا ساتىپ الىناتىن وتاندىق تاۋارلاردىڭ ۇلەسى - % 15، ماشينا جاساۋدا - % 13,5، فارماتسيەۆتيكادا - % 20 عانا.
«بايتەرەك» حولدينگى جىل باسىنان بەرى بيزنەسكە 2,2 تريلليون تەڭگەنىڭ كولەمىندە قارجىلىق قولداۋ كورسەتتى. سونىڭ ىشىندە، قازاقستان دامۋ بانكى ارقىلى 314 ميلليارد تەڭگە ءبولىندى. ونەركاسىپتى دامىتۋ قورى جالپى قۇنى 195 ميلليارد تەڭگەدەن اساتىن جوبالاردى قارجىلاندىردى. قوسىمشا 300 ميلليارد تەڭگەنىڭ جوبالارى بويىنشا جۇمىس جالعاسۋدا. «دامۋ» قورى ارقىلى 115 ميلليارد تەڭگەگە تىكەلەي نەسيەلەر بەرىلدى جانە بولىنگەن سۋبسيديالار مەن كەپىلدىكتەردىڭ ارقاسىندا بانكتەر بيزنەسكە 930 ميلليارد تەڭگەدەن استام نەسيە بەردى»، - دەدى ءاليحان سمايىلوۆ.
اۆتور
ەسىمجان ناقتىباي
