ساتسىزدىكتىڭ ساتتىلىككە باستايتىن جاعدايلارى

ءوسىپ كەلە جاتقان بالانىڭ الدىنان كوپتەگەن قيىندىقتار شىعادى. مەكتەپتە باقىلاۋلاردان ۇزدىك بولۋعا تىرىسامىز، ال اتا-انامىز تەك جاقسى بولۋىمىزدى قالاپ، ۇدەدەن شىعا الماي جاتساق، ۇرىسادى. ال نەگىزىندە ساتسىزدىكتىڭ دە پايداسى كوپ ەكەنىن اڭعارايىق. سونىمەن، ساتسىزدىكتەن ساباق الۋدى ۇيرەنەيىك.

بۇل جاقسى ساباق بولادى

ءاربىر ىستە قيىندىقتار بولادى. مىنە، وسى كەزدە ءسىز بۇل جاعدايدان قانداي ساباق العانىڭىز جايلى ويلاڭىز. ساتسىزدىكتىڭ ومىرلىك ساباق ەكەنىن بىلگەن كەزدە ءسىز كوڭىل كۇيىڭىزدى تۇسىرمەيتىن بولاسىز. ءسال دە بولسا ارتقا قاراپ، نەنىڭ دۇرىس جاسالماعانىنا كوز تاستاپ، كەلەسى جولى مۇنداي قاتەلىك جاساماۋعا تىرىساسىز. ەسىڭىزدە بولسىن، قاتەلىك - جەتىستىككە جەتۋ كىلتى. ول سەنىڭ وتە جاقسى ۇستازىڭنىڭ دا رولىن اتقارا الادى. ويلانىپ كورىڭىزشى، ۇلكەن قالاعا جاڭادان كەلگەندە اداساسىز عوي؟ ال ءبىر اداسقان سوڭ سول جەردى ءسىز ماڭگىگە ۇمىتپايتىن بولاسىز.

ءمىنسىز بولۋعا جەتەلەيتىن تەست

كەيدە اتقارىپ جاتقان ءىس ءسىز ويلاعانداي بولىپ شىقپايدى. وسىدان كەيىن وزىڭىزگە كۇمانمەن قاراي باستايسىز. شىنىمەن دە، بۇل ىسپەن اينالىسۋعا تۇرا ما؟ ال ەگەر سول ىستەن اينىپ قالماي ارمەن قاراي دا جالعاستىرا بەرەتىن بولساڭىز - بۇل ءسىزدىڭ بىلىكتىلىگىڭىز بولىپ ەسەپتەلمەك جانە ونىڭ سوڭىندا كورەتىن جەڭىس تە تاتتىرەك بولماق. ساتسىزدىك نە بارىن دە تاستاپ، باسقا ارناعا بەتبۇرۋعا نە ءوز پوزيسياڭىزدى بەكەمدەپ الۋعا مۇمكىندىك جاسايدى.

بۇل - جاڭا قادامدار جاساۋعا مۇمكىندىك

بۇرىنعى ىسپەن ءساتتى اينالىسا بەرۋ، ارينە، تۇراقتىلىق، كاسىبيلىك دەڭگەيىن كورسەتەدى. ال ەگەر ءسىز باستاپقى كەزدە ءوز ىسىڭىزبەن اينالىسپاعان بولساڭىز، ومىرلىك باعىتىڭىزدى ايقىنداۋعا، جاڭا قادامدار جاساۋعا مۇمكىندىك الاسىز. ساتسىزدىكتەردەن الىنعان ساباق وزىڭىزگە شىنايى باعا بەرىپ، الدىڭعى جوسپارلارىڭىزدى قالىپتاستىرۋعا سەپتىگىن تيگىزبەك. ءبىر ورىندا تۇرۋ - دامۋعا اكەلمەيدى. سوندىقتان دا، تەك العا قاراي قادام باسىڭىز.

بۇل ءبىلىمدى ارتتىرۋ جولى

ساتتىلىككە باستار جولىڭىزدىڭ ءاربىر دەتالىنە دەيىن ءمان بەرىپ، جۇمىس جاساۋىڭىزعا بولادى. ال ءاربىر دەتالدى ءبىلۋ دەگەنىڭىز، ءسىزدىڭ ءوزىڭىز اينالىسىپ وتىرعان سالاداعى ءىسىڭىزدى ءبىر كىسىدەي ءبىلىپ الۋ. ساتسىزدىكتەر وسى ءۇشىن دە ادام بالاسىنا اۋاداي قاجەت. ىشكى تۇجىرىمدار مەن قۇندىلىقتاردى ءبىر ساراپتاۋعا دا جاعداي جاسالادى.

قاتەلىك جاڭا تانىستىقتارعا اكەلەدى

قاتەلىك بولا قالعان جاعدايدا جانىڭىزدان تابىلاتىن دوستى دا، ساتقىندىق جاسايتىندى دا بايقايسىز. بۇل كەزدە كىمگە يەك ارتۋعا، ارقا سۇيەۋگە بولاتىنىن، ال كىمگە بولمايتىنىن بىلەتىن بولاسىز.

ساتسىزدىكتەن قانداي ساباق العانىڭىزدى ءسىز دە ايتا وتىرىڭىز.

دايىنداعان: ارداق قۇلتاي

massaget

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى