ساۋساق ءىزىن تاپسىرۋ ەرىكتى بولادى – ءى ءى م
ىشكى ىستەر ءمينيسترىنىڭ ورىنباسارى ساكەن سارسەنوۆ جەكە كۋالىك الار كەزدە ساۋساق ءىزىن تاپسىرۋ شاراسى ەرىكتى بولاتىنىن ايتتى، دەپ حابارلايدى Kazinform اگەنتتىگى.
ونىڭ سوزىنشە، ساۋساق ءىزىن تاپسىرۋ شەكارادان وتكەن شەتەلدىكتەرگە عانا مىندەتتى بولماق.
«ءيا، سونداي شەشىم قابىلداندى. زاڭ جوباسىنا وزگەرىستەر ەنگىزىلىپ جاتىر. 2024 -جىلدىڭ ءبىرىنشى قاڭتارىنان باستاپ ازاماتتاردىڭ ساۋساق ءىزىن ەرىكتى نەگىزدە تاپسىرۋىن ەرىكتى ەتۋ ماسەلەسى قارالىپ جاتىر. شەتەلدىكتەرگە بۇل مىندەتتى. ال ىشكى قۇجاتتاندىرۋ كەزىندە بۇل شارا ەرىكتى نەگىزدە بولادى»، - دەدى ساكەن سارسەنوۆ.
بۇعان دەيىن 2024 -جىلدىڭ 1 -قاڭتارىنان باستاپ پاسپورت پەن جەكە كۋالىكتى راسىمدەۋ كەزىندە ازاماتتاردان ساۋساق ءىزى الىناتىنى تۋرالى حابارلانعان بولاتىن.
اۆتور
ەسىمجان ناقتىباي
