سارىاعاشتا جەڭىل كولىك گاز قۇبىرىنا سوعىلىپ، 7000 عا جۋىق ابونەنت گازسىز قالدى
تۇركىستان. قازاقپارات - BMW كولىگىنىڭ جوعارى قىسىمدى گاز قۇبىرىنا سوقتىعىسۋى سالدارىنان گاز قۇبىرى ەكى جەردەن جارىلعان. سونىمەن قاتار 40 مەترگە جۋىق گاز قۇبىرىنا زاقىم كەلگەن.
اپات سالدارىنان 21 كاسىپورىن، 153 كوممۋنالدىق مەكەمە، 6821 جەكە سەكتور ابونەنتتەرى گازسىز قالدى. زاقىمدانعان گاز قۇبىرىن قالپىنا كەلتىرۋ جۇمىستارى بىردەن باستالدى.
وقيعا ورنىندا «QazaqGaz Aimaq» ا ق اپاتتى قالپىنا كەلتىرۋ قىزمەتىنىڭ 40 تان استام وندىرىستىك قىزمەتكەرى جۇمىس ىستەپ جاتىر. بارلىق قاجەتتى جۇمىس اياقتالعاننان كەيىن ۇيلەر مەن كاسىپورىندارعا گاز بەرۋ قايتا باستالادى.
- «QazaqGaz Aimaq» ا ق سارىاعاش اۋداندىق گاز شارۋاشىلىعى مەكەمەسىنىڭ اۆاريالىق-ديسپەتچەرلىك قىزمەتىنە قوڭىراۋ ءتۇستى. وندا اۆاريا سالدارىنان، گاز قۇبىرىنا زاقىم كەلىپ، گاز شىعىپ جاتقاندىعى ايتىلعان. وقيعا ورنىنا جەدەل بريگادا 10 مينۋت ىشىندە جەتتى. جەدەل توپ تەز ارادا گازدىڭ شىعۋىن انىقتاپ، كلاپاندى جاۋىپ، زارداپتاردىڭ الدىن الۋ جۇمىستارىن جۇرگىزدى. وقيعا ورنىنا پوليتسيا قىزمەتكەرلەرى شاقىرىلدى، - دەلىنگەن «QazaqGaz Aimaq» ا ق قوعاممەن بايلانىس ءبولىمى تاراتقان اقپاراتتا.
قايرات زاينيشەۆ
