ساراپشى پۋتين ساپارى تۋرالى: وسىنداي ءوزارا ءتيىمدى قارىم- قاتىناس قازاقستاننىڭ ۇلتتىق مۇددەلەرىنە ساي كەلەدى
ءماجىلىس دەپۋتاتى، ساياساتتانۋشى ايدوس سارىم ر ف پرەزيدەنتى ۆلاديمير ءپۋتيننىڭ قازاقستانعا ساپارى تۋرالى پىكى ءبىلدىردى جانە ەكى ەل كوشباسشىلارىنىڭ ءبىرقاتار قۇجاتقا قول قويۋى قازاقستان مەن رەسەي اراسىنداعى ىنتىماقتاستىق كورسەتكىشتەرى جاقسارىپ جاتقانىن ايعاقتايتىنىن ايتتى، دەپ حابارلايدى Kazinform اگەنتتىگى.
«ر ف پرەزيدەنتى ۆ. ءپۋتيننىڭ قازاقستانعا رەسمي ساپارى اياسىندا ەلدەرىمىز اراسىنداعى ەكىجاقتى ىنتىماقتاستىقتى نىعايتۋعا باعىتتالعان ءبىرقاتار قۇجات پەن كەلىسىمگە قول قويىلدى. اتاپ ايتقاندا، ХХІ عاسىرداعى تاتۋ كورشىلىك جانە وداقتاستىق تۋرالى شارتتىڭ 10 جىلدىعىنا ورايلاستىرىلعان ەكى ەل پرەزيدەنتتەرىنىڭ بىرلەسكەن مالىمدەمەسىنەن بولەك، ەنەرگەتيكا، سپورت، كەدەن سالاسى، ەڭبەك قاۋىپسىزدىگى جانە اقپارات ماسەلەلەرى بويىنشا كەلىسىمدەرگە قول قويىلدى. ساياسي، ەكونوميكالىق، گۋمانيتارلىق جانە باسقا سالالارداعى ەكىجاقتى ءوزارا ءىس- قيمىلدى دامىتۋ مەن نىعايتۋعا باعىتتالعان 2023-2026 -جىلدارعا ارنالعان بىرلەسكەن ءىس- قيمىل جوسپارىن جەكە اتاپ وتكەن ءجون. بۇل قۇجاتتارعا قول قويۋ قازاقستان مەن رەسەي اراسىنداعى ىنتىماقتاستىق ءوز كورسەتكىشتەرىن جاقسارتۋدى جانە وزەكتى دەڭگەيگە شىعۋدى جالعاستىرىپ جاتقانىن ايعاقتايدى»، — دەدى ايدوس سارىم.
ساراپشى ساياسات، ەكونوميكا جانە گۋمانيتارلىق ماسەلەلەر سياقتى ءتۇرلى سالالارداعى تەرەڭ جانە ۇزاقمەرزىمدى قارىم- قاتىناستار جاھاندىق گەوساياسي الاساپىران كەزەڭىندە ەكى ەل اراسىنداعى ءوزارا تۇسىنىستىك پەن ءوزارا ءىس- قيمىلدىڭ كورسەتكىشى بولىپ وتىرعانىن اتاپ ءوتتى.
«بۇل ىنتىماقتاستىق، ونىڭ ىشىندە ءارتۇرلى ينتەگراتسيالىق بىرلەستىكتەرگە مۇشەلىك ارقىلى بەكىتىلگەن ىنتىماقتاستىق ەكونوميكالىق جانە ساۋدا قاتىناستارىن دامىتۋ ءۇشىن تۇراقتى پلاتفورما قۇراتىنىن، ال ەنەرگەتيكا، جۇمىسپەن قامتۋ، ساۋدا سالاسىنداعى ءوزارا ينۆەستيتسيالار مەن زاماناۋي جوبالار ەلدەرىمىزدىڭ تۇراقتى دامۋىنا ىقپال ەتەتىن فاكتورلار ەكەنىن اتاپ ءوتۋ ماڭىزدى. كەلىسىمدەردىڭ بىرىندە كوزدەلگەن وسكەمەن، كوكشەتاۋ جانە سەمەي قالالارىندا جاڭا كومىر بلوكتارىن تۇرعىزۋ جولىمەن جاڭا جەو سالۋ جوبالارىن ىسكە اسىرۋ قولدانىستاعى ينفراقۇرىلىمنىڭ ەسكىرۋىنە بايلانىستى ەلىمىزدىڭ ءبىرقاتار وڭىرىندەگى جىلۋ ستانتسيالارىنداعى اپاتتار ماسەلەسىن شەشۋدە قازاقستانعا ايتارلىقتاي ىلگەرىلەۋگە مۇمكىندىك بەرەدى. بۇدان باسقا، بۇل قازاقستاندىق كومىر ونەركاسىبىنىڭ دامۋىنا جاڭا سەرپىن بەرەدى. گۋمانيتارلىق بايلانىستار (بۇل جاعدايدا سپورت جانە اقپارات سالاسى) حالىقتارىمىز اراسىنداعى بايلانىستى نىعايتىپ قانا قويماي، ءوزارا ءبىلىم مەن تاجىريبە الماسۋدى قامتاماسىز ەتەدى. قازاقستاندىقتاردىڭ جاھاندىق سپورتتىق ءىس- شارالارداعى — وليمپيادالار، ازيادالارداعى ساتسىزدىكتەرى ماسەلەسىندە رەسەيدەن تاجىريبە، ادىستەمەلەر مەن تەحنولوگيالاردى الۋ سپورتشىلارىمىزدىڭ الەۋەتىن دامىتۋعا جانە ولاردىڭ ۇلكەن جەڭىستەرگە جەتۋىنە جاقسى كومەك بولا الادى» ، - دەپ تولىقتىردى ماجىلىسمەن.
سونىمەن بىرگە، دەپۋتات مۇنداي وڭ جانە ءوزارا ءتيىمدى قارىم- قاتىناستار ەكى ەلدىڭ ودان ءارى ىنتىماقتاستىعى مەن بىرلەسكەن جۇمىسى ءۇشىن بەرىك نەگىز قۇراتىنىن، ەڭ باستىسى قازاقستاننىڭ ۇلتتىق مۇددەلەرىنە تولىق سايكەس كەلەتىنىن ايتتى.
