سامات ءابىش قازاقستاننان شىققان جوق - باس پروكۋراتۋرا
استانا. KAZINFORM - باس پروكۋروردىڭ ورىنباسارى اسەت شىنداليەۆ ۇلتتىق قاۋىپسىزدىك كوميتەتى ءتوراعاسىنىڭ بۇرىنعى ءبىرىنشى ورىنباسارى سامات ابىشكە قاتىستى قىلمىستىق ءىس بويىنشا پىكىر ءبىلدىردى.
بۇگىن پارلامەنت ماجىلىسىندە تىلشىلەر باس پروكۋراتۋرا وكىلىنەن س. ءابىشتىڭ ءىسى بويىنشا سۇرادى.
اتالعان ءىس سوتقا جولدانعانىن ەسكە سالعان ءا. شىنداليەۆ: «بۇل ءىس قۇپيا تارتىپتە تەرگەلدى. سوندىقتان باسقا مالىمەتتەردى جاريالاي المايمىن»، - دەدى.
سونىمەن قاتار ول س. ءابىشتىڭ قازاقستان اۋماعىنان شىقپاعانىن ايتتى.
«تەرگەۋ كەزىندە ودان ەشقايدا كەتپەۋ تۋرالى قولحات الىندى»، - دەدى اسەت شىنداليەۆ.
بۇدان بۇرىن حابارلانعانداي، بيىل قاڭتار ايىندا ۇلتتىق قاۋىپسىزدىك كوميتەتى ءتوراعاسىنىڭ بۇرىنعى ءبىرىنشى ورىنباسارى سامات ابىشكە قاتىستى قىلمىستىق ءىس بويىنشا تەرگەۋ اياقتالدى.
وسى قىلمىستىق ءىس اياسىندا سامات ءابىش اۋىر سالدارعا اكەپ سوقتىرعان بيلىگىن جانە قىزمەتتىك وكىلەتتىگىن اسىرا پايدالاندى دەگەن كۇدىككە ىلىنگەن.
اۆتور
رۋسلان عابباسوۆ
