سامات ابىشكە قانداي شەكتەۋلەر قويىلادى
استانا. KAZINFORM - ىشكى ىستەر ءمينيسترى ەرجان سادەنوۆ سوت ۇكىمىنىڭ شىعۋىنا بايلانىستى سامات ابىشكە قانداي شەكتەۋ شارالارى قولدانىلاتىندىعىن ايتتى.
«ۇكىمگە قاتىستى ساۋالدى سۋدياعا قويعان ءجون شىعار. ءبىز ءوز قۇزىرەتىمىز شەگىندە جۇمىس ىستەيمىز. اتالعان ازامات پروباتسيالىق باقىلاۋدا بولادى. ونىڭ سىرتقا شىعۋ قۇقىعى جوق. ياعني، تۇرىپ جاتقان جەردىڭ اۋماعىندا عانا بولادى جانە ءتيىستى پروتسەدۋرادان وتەدى»، - دەدى مينيستر ءماجىلىستىڭ جالپى وتىرىسىنان كەيىن ب ا ق وكىلدەرىنىڭ ساۋالىنا وراي.
سونىمەن قاتار ەرجان سادەنوۆ سامات ءابىشتىڭ قازاقستان اۋماعىنا تىسقارى شىعا المايتىندىعىن، تەك تۇرعىلىقتى جەرىندە بولۋى كەرەكتىگىن باسا ايتتى.
بۇعان دەيىن ۇلتتىق قاۋىپسىزدىك كوميتەتى ءتوراعاسىنىڭ بۇرىنعى ورىنباسارى سامات ءابىش شارتتى تۇردە 8 جىل مەرزىمگە سوتتالعانىن جازعان ەدىك.
اۆتور
مارلان جيەمباي
