سالىق تولەمەگەن بلوگەرلەر قىلمىستىق جاۋاپكەرشىلىككە تارتىلا ما؟

ءماجىلىس دالىزىندە جۋرناليستەر ەلەمەسوۆكە «ق م ا قازاقستاندىق بلوگەرلەرگە قاتىستى شارالار قابىلداي ما؟» دەگەن سۇراق قويىلدى. ويتكەنى كەشە ولار كىرىسىن 53,3 ميلليارد تەڭگەگە تومەندەتىپ كورسەتكەنى تۋرالى اقپارات تارادى.

«بۇل اقپاراتتى مەن دە وقىدىم. وتە ۇلكەن سوما ايتىلعان. ق م ا قۇقىق قورعاۋ ورگانى سانالاتىن ەكونوميكالىق تەرگەۋ قىزمەتىنىڭ قۇرامىندا. ۋاكىلەتتى ورگان تەكسەرىس جۇرگىزىپ، ءتيىستى اكت نەمەسە قورىتىندى بەرگەننەن كەيىن عانا قىلمىستىق ءىستى تىركەي الامىز، وندا مەملەكەتكە تولەنبەگەن سالىقتىڭ ناقتى سوماسى بەلگىلەنەدى»، - دەپ ءتۇسىندىردى ول.

ق م ا ءتوراعاسىنىڭ ورىنباسارىنىڭ ايتۋىنشا، سالىق ورگاندارى تەكسەرىستى اياقتاعانعا جانە زالالدىڭ ناقتى مولشەرىن انىقتاعانعا دەيىن ۆەدومستۆو قىلمىستىق ءىستى ءوز بەتىنشە باستاي المايدى.

«بەلگىلى ءبىر بلوگەر مەملەكەتكە كەلتىرگەن زالال سوماسى قىلمىستىق زاڭنامادا كوزدەلگەن نورمالاردان اسىپ كەتسە، وندا قىلمىستىق ءىس تىركەلەدى. ەگەر بۇل شەكتەن اسپاسا، وندا ولاردى مەملەكەتتىك كىرىستەر كوميتەتى اكىمشىلىك جاۋاپكەرشىلىككە تارتادى»، - دەپ قورىتىندىلادى جەڭىس ەلەمەسوۆ.

ەسكە سالايىق، بۇعان دەيىن قازاقستاندىق بلوگەرلەرگە 53 ميلليارد تەڭگە تولەۋگە ءبىر اي ۋاقىت بەرىلدى. مەملەكەتتىك كىرىستەر كوميتەتى مالىمەتىنشە، 594 ادام كىرىسىن جالپى سوماسى 53,3 ميلليارد تەڭگەگە تومەندەتكەن.

ەندى بلوگەرلەر ناقتىلانعان سالىق ەسەبىن تاپسىرىپ، سالىق تولەۋى كەرەك نەمەسە 30 جۇمىس كۇنى ىشىندە تۇسىنىكتەمە بەرۋى قاجەت.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى