سالىق رەفورماسى - بيۋجەت ساياساتىن تۇبەگەيلى وزگەرتۋگە ارنالعان تەرەڭ رەفورما - جۇمانعارين

- سالىق رەفورماسى - بيۋجەت ساياساتىن تۇبەگەيلى وزگەرتۋگە ارنالعان تەرەڭ رەفورما. ەلىمىزدىڭ بۇكىل كىرىسى مەن شىعىسى فيلوسوفياسىن وزگەرتەتىن رەفورما. ۇكىمەت پەن سالىق تولەۋشىلەردىڭ اراسىنداعى جاڭا الەۋمەتتىك شارت. سالىقتاردىڭ سانىن، كولەمىن قىسقارتىپ، بيزنەسكە جۇكتەمەنى ازايتۋ - ەكونوميكالىق زاڭ، ءبىراق اكىمشىلىك جۇمىستى نىعايتۋ كەرەك. قوسىلعان قۇن سالىعىن 20 پايىزدان 12 پايىزعا دەيىن تومەندەتتىك، كورپوراتيۆتىك تابىس سالىعى 30 پايىزدان 20 پايىزعا دەيىن تومەندەدى. قوسىمشا شاعىن جانە ورتا بيزنەسكە ءبىراز جەڭىلدىكتەر بەرىلدى، سالىق كوميتەتىنىڭ قۇزىرەتى ازايتىلدى، - دەدى سەرىك جۇمانعارين سۇحبات بارىسىندا.

وسىلايشا ۇلتتىق ەكونوميكا ءمينيسترى 454 قوسىمشا سالىقتىڭ 128 ءى الىنىپ تاستالاتىنىن ايتىپ وتىر.

- بيزنەس پايدالى، ءبىراق ونى جۇرگىزۋ وڭاي ەمەس. قازىر بىزدە قوسىلعان قۇن سالىعى جالپى ىشكى ءونىم كولەمىندە 14 پايىز عانا، ال دامىعان ەلدەردە 20 پايىزدان اسادى. 14 پايىز بيزنەستىڭ ءوز-وزىنە سالعان ينۆەستيتسياسى. باسقا سالىقتار بويىنشا دا سولاي، جينالىم دا، پايداسى دا تومەن. سول سەبەپتى وزگەرتۋ كەرەك. قوسىلعان قۇن سالىعى مەن كورپوراتيۆتىك تابىس سالىعى بويىنشا شاعىن جانە ورتا بيزنەستىڭ ۇلەسى تومەن، نەگىزىنەن ءىرى بيزنەسكە تيەسىلى، - دەيدى ۆەدومستۆو باسشىسى.

پرەمەر-مينيستر ورىنباسارىنىڭ مالىمەتىنشە، بۇگىندە ەلىمىزدە 2 مىڭنان استام ءىرى بيزنەس سۋبەكتىسى بار. ولاردىڭ سالىق پەن جالپى ىشكى ونىمدەگى ۇلەسى - 66 پايىز، ال شاعىن جانە ورتا بيزنەستىڭ ۇلەسى - 14 پايىز.

- ارينە، ءىرى بيزنەسكە تاعى ءبىر قوسىمشا سالىق سالۋعا بولاتىن ەدى، ءبىراق ءىرى بيزنەس - ءبىزدىڭ دىڭگەگىمىز. ءىرى بيزنەستى جوعالتساق، باسقا مەملەكەتتەرگە كەتىرىپ الساق، سالىق كىرىسىنسىز قالامىز. سوندىقتان ءبىز قازىرگى قيسىق جۇيەنى وزگەرتۋىمىز كەرەك، - دەپ تولىقتىردى س. جۇمانعارين.

ايتا كەتەيىك، 9-ساۋىردە ءماجىلىس سالىق كودەكسىنىڭ جاڭا جوباسىن ءبىرىنشى وقىلىمدا ماقۇلدادى.

سالىق كودەكسىنىڭ جاڭا جوباسى بويىنشا سالىق ەسەبىن تاپسىراتىندار سانى 30 پايىزعا قىسقارادى.

ەسكە سالساق، قوسىلعان قۇن سالىعى سالىناتىن اينالىمنىڭ تومەنگى شەگى 40 ميلليون تەڭگە بولادى.

سونداي-اق سەرىك جۇمانعارين كورپوراتيۆتىك تابىس سالىعىنىڭ مولشەرلەمەسى وسەتىن سالالاردى اتادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى