سالتانات نۇكەنوۆاعا ارنالعان Salta ءانىنىڭ پرەمەراسى ءوتتى
استانا. KAZINFORM - تانىمال رەسەيلىك كومپوزيتور جانە پروديۋسەر ماكسيم فادەيەۆ Instagram جەلىسىندەگى پاراقشاسىندا سالتانات نۇكەنوۆانى ەسكە الۋعا ارنالعان Salta اتتى جاڭا ءانىنىڭ تولىق نۇسقاسىنىڭ پرەمەراسى تۋرالى جازدى.
«SALTA». ءاننىڭ پرەمەراسى بارلىق ارنالاردا ءوتتى. مەن ونىڭ وسى اۋەنمەن ءومىر سۇرگەنىن قالادىم. وعان باسقا ەشكىم تيىسپەۋى ءۇشىن.. .»، - دەپ جازدى ماكس فادەيەۆ ءوز پاراقشاسىندا.
«ءاندى سالتاعا ارناي وتىرىپ ماكسيم، مەنىڭشە، جانتۇرشىگەرلىك زورلىق- زومبىلىق كورگەن بارلىق ايەل مەن قىزدارعا ارناعان سياقتى.. .. »، «قازىر بۇل ءان قانشا ادامعا كەرەك. راقمەت سىزگە! ءبىز ءسىزدى قۇرمەتتەيمىز جانە اندەرىڭىزگە ءتانتىمىز»، - دەپ جازدى وقىرماندار جازبانىڭ استىنا.
ەسكە سالا كەتسەك، وسىعان دەيىن ماكسيم فادەيەۆ سالتانات نۇكەنوۆاعا ءان ارناعانى حابارلانعان بولاتىن.
