ساكەن بيبوسىنوۆ ازيا ويىندارىندا العاشقى جەڭىسىنە قول جەتكىزدى

قازاقستاننىڭ باستى ۇمىتتەرىنىڭ بىرىنەن سانالاتىن س. بيبوسىنوۆ 51 كەلىگە دەيىنگى سالماقتا 1/16 فينالدا موڭعوليالىق ورحونتۋنگالاگ ۋنۋبولدپەن جۇدىرىقتاستى.

ءبىرىنشى راۋندتا تورەشىلەر تۇگەلدەي باسىمدىقتى ساكەنگە بەردى. ەكىنشى، ءۇشىنشى كەزەڭدە دە ەشتەڭە وزگەرە قويعان جوق. ەسەپ - 5:0، ساكەن بيبوسىنوۆتىڭ پايداسىندا.

وسىلايشا، قازاقستاندىق بوكسشى كەلەسى اينالىمعا ءوتتى.

ساكەن بيبوسىنوۆتىڭ كەلەسى قارسىلاسى - وليمپيادا چەمپيونى، وزبەكستاندىق حاسانبوي دۋسماتوۆ.

تاعى ءبىر قازاقستاندىق ناتاليا بوگدانوۆا 66 كەلىگە دەيىنگى سالماقتا ساۋد ارابياسىنىڭ وكىلى راگاد يبراگيم ال-نايميدى ءبىرىنشى راۋندتا-اق ءۇش رەت نوكداۋنعا جىبەرىپ، نوكاۋتپەن ۇتتى. ءسويتىپ ول شيرەك فينالعا جولداما الدى.

ەسكە سالا كەتەيىك، بۇدان بۇرىن ازيا ويىندارىندا قازاقستاندىق بوكسشىلاردىڭ قاشان رينگكە شىعاتىنى بەلگىلى بولعانىن جازعان ەدىك.

سونداي-اق قازاقستاندىق بوكسشى ازيا ويىندارىن جەڭىسپەن باستادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى