ساۋد ارابياسىندا ا ق ش پەن رەسەي اراسىندا كەلىسسوزدەر ءجۇرىپ جاتىر

كەلىسسوزدەرگە قاتىسۋ ءۇشىن رەسەيلىك تاراپتان رەسەي پرەزيدەنتىنىڭ كومەكشىسى يۋري ۋشاكوۆ پەن سىرتقى ىستەر ءمينيسترى سەرگەي لاۆروۆ كەلگەن. سونىمەن قاتار ەكى مەملەكەت دەلەگاتسيالارىنىڭ جۇزدەسۋىنە رەسەي تىكەلەي ينۆەستيتسيالار قورىنىڭ باسشىسى كيريلل دميتريەۆ تە قاتىسىپ وتىر.

ال امەريكالىق تاراپتان كەزدەسۋگە قاتىسۋشىلار مىنالار: قۇراما شتاتتاردىڭ مەملەكەتتىك حاتشىسى ماركو رۋبيو، ا ق ش پرەزيدەنتى دونالد ترامپتىڭ ۇلتتىق قاۋىپسىزدىك جونىندەگى كەڭەسشىسى مايك ۋولتتس جانە اق ءۇيدىڭ تاياۋ شىعىستاعى ەلشىسى ستيۆ ۋيتكوف.

مۇنان بولەك، كەلىسسوزدەرگە ساۋد ارابيادان سىرتقى ىستەر ءمينيسترى فەيسال بەن فارحان ءال-ساۋد پەن ساۋد ارابيانىڭ ۇلتتىق قاۋىپسىزدىك جونىندەگى كەڭەسشىسى مۋسايد بەن مۋحاممەد ءال-ايبان قاتىسۋدا.

كەلىسسوزدەر ەر-ريادتاعى ديريا سارايىندا ءوتىپ جاتىر.

رەسەي ا ق ش-پەن كەلىسسوز يرانمەن ىنتىماقتاستىققا ەشقانداي اسەر ەتپەيتىندىگىن مالىمدەپ وتىر.

- رەسەيلىك-امەريكالىق كەلىسسوزدەردىڭ باستالۋى ماسكەۋدىڭ تەگەرانمەن ىنتىماقتاستىعىنا اسەر ەتپەيدى، - دەپ حابارلادى سەيسەنبى كۇنى تاسس اقپارات اگەنتتىگى كرەمل باسپا ءسوز حاتشىسى دميتريي پەسكوۆكە سىلتەمە جاساپ.

- رەسەي يرانعا ونىڭ يادرولىق باعدارلامالارىمەن بايلانىستى پروبلەمالاردى شەشۋ ءۇشىن كومەك كورسەتۋگە دايىن، - دەپ قوستى پەسكوۆ.

امەريكالىق كومپانيا رەسەيدەن كەتۋى سالدارىنان 300 ميلليارد دوللار جوعالتىپ وتىر. رەسەي تىكەلەي ينۆەستيتسيالار قورىنىڭ باسشىسى كيريلل دميتريەۆ رەسەيلىك جانە امەريكالىق شەنەۋنىكتەر اراسىنداعى ەر-ريادتا جوسپارلانعان كەلىسسوزدەر وتە ماڭىزدى ەكەنىن ايتادى. سونىمەن قاتار ول ءبىر كەزدەرى رەسەيدەن كەتكەن امەريكالىق ءىرى مۇناي كومپانيالارى قايتا ورالادى دەپ سانايتىندىعىن العا تارتادى.

- امەريكالىق كومپانيالار رەسەيدەن كەتكەننەن كەيىن شامامەن 300 ميلليارد دوللار جوعالتقانىن ءتۇسىنۋ وتە ماڭىزدى. وسىلايشا، كوپتەگەن ەل ءۇشىن اۋقىمدى ەكونوميكالىق شىعىن بار. قازىرگى ۋاقىتتا نە بولىپ جاتقانىن وزدەرىڭىز دە بىلەسىزدەر جانە ءبىز العا قاراي جول ءجۇرۋ دۇرىس شەشىم دەپ سانايمىز، - دەدى ول كەلىسسوزدەر الدىندا.

قىتاي كەلىسسوزدەرگە «بارلىق مۇددەلى تاراپتىڭ» قاتىسقانىن قالايدى.

قىتاي بۇگىن ساۋد ارابياسىندادا جوسپارلانعان امەريكالىق-رەسەيلىك كەلىسسوزدەردى قولدايتىندىعىن ءبىلدىردى. ال ەلدىڭ ب ۇ ۇ- داعى باس ەلشىسى دۇيسەنبى كۇنى «بارلىق مۇددەلى تاراپ» وعان جۇمىلدىرىلۋى ءتيىس ەكەنىن مالىمدەدى.

قىتاي پايىمى ۋكرايناعى قاۋىپسىزدىك كەپىلىن بەرۋگە دايىن ەكەندىكتەرىن مالىمدەگەن جانە كيەۆكە ماسكەۋمەن بەيبىت كەلىسىم كەلىسسوزدەرىن جاساسپاي توقتاۋعا كونۋ قاۋىپتى بولاتىنىن ەسكەرتكەن ەۋروپالىق كوشباسشىلاردىڭ پىكىرلەرىن قايتالايدى.

زەلەنسكي مەن ەردوعان سوعىس جايىن جانە ەكىجاقتى بايلانىستاردى تالقىلايدى.

ۋكراينا پرەزيدەنتى ۆلاديمير زەلەنسكي تۇركيا پرەزيدەنتى رەدجەپ تايپ ەردوعانمەن انكارادا ساعات 14:00-دە كەزدەسەدى. زەلەنسكي ۇشاعى دەمالىس كۇنى انكاراداعى ەسەنبوعا اۋەجايىنا كەلىپ قونعان بولاتىن.

ەكى ەلدىڭ كوشباسشىلارى كەلىسسوزدەردەن كەيىن ءتۇس اۋا بىرلەسكەن باسپا ءسوز ءماسليحاتىن وتكىزبەك.

- بيرمينگەم ۋنيۆەرسيتەتىنىڭ ساۋد ارابيانڭ سىرتقى ساياساتى جونىندەگى ساراپشى ومار كاريم بۇگىن وتەتىن كەزدەسۋ ساۋد ارابيا باسشىلىعىنىڭ ترامپپەن دە، پۋتينمەن دە تىعىز دوستىق قارىم- قاتىناس ورناتقانان بىلدىرەدى جانە بۇل ساۋد ارابيانىڭ ەكى تاراپ ءۇشىن دە بەيتاراپ، دوستاس جانە سەرىمدى ۇيىم ەكەندىگىن كورسەتەدى، - دەپ حابارلادى AFP.

ВВС -ءدىڭ حابارلاۋىنشا، امەريكالىق تاراپ بۇگىنگى كەزدەسۋدىڭ ءمانى كەلىسسوزدەردى باستاۋدا ەمەس، رەسەيدى ۋكرايناداعى سوعىس توقتاۋعا ۇمتىلىسىنىڭ شىنايىلىعىن انىقتاۋعا باعىتتالعانىن اتاپ وتكەن.

رەسەي ا ق ش-پەن قارىم-قاتىناسىن دۇرىستاۋ باستى باسىمدىق ەكەندىگىن مالىمدەۋدە.

بۇل كەزدەسۋدىڭ قانداي بولىگى جابىق ەسىك جاعدايىندا وتەتىندىگى بەلگىسىز.

كرەمل باسپا ءسوز حاتشىسى دميتري پەسكوۆ جۋرناليستەرگە كەلىسسوزدەردىڭ «ەڭ ءبىرىنشى كەزەكتە رەسەيلىك-امەريكالىق قارىم-قاتىناستىڭ بارلىق جيىنتىعىن قالپىنا كەلتىرۋگە ارنالاتىندىعىن» مالىمدەدى.

سونىمەن قاتار ول «ۋكراينا قارارى بويىنشا كەلىسسوزدەر جانە ەكى پرەزيدەنتتىڭ كەزدەسۋىن ۇيىمداستىرۋ مۇمكىندىگى» تالقىلاناتىندىعىن ايتتى. رەسەيلىك ديپلوماتتارعا ەتەنە دەرەككوزى سانكسيالاردى الىپ تاستاۋ نەگىزگى تاقىرىپتاردىڭ ءبىرى ەكەندىگىن اتاپ وتەدى.

وسىعان دەيىن رەسەي مەن ا ق ش دەلەگاتسيالارىنىڭ ساۋد ارابياسىنداعى كەزدەسۋى قاشان وتەتىنى بەلگىلى بولعان ەدى.

اۆتور

مارلان جيەمباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى