ساۋد ارابياسى كورولدىگىمەن بىرلەسكەن ينۆەستجوبالار جۇزەگە اسىرىلماق
ق ر پرەمەر-ءمينيسترى ءاليحان سمايىلوۆتىڭ توراعالىعىمەن وتكەن كەڭەستە ساۋد ارابياسى كورولدىگىمەن بىرلەسكەن ينۆەستيتسيالىق جوبالاردى جۇزەگە اسىرۋ ماسەلەلەرى تالقىلاندى، دەپ حابارلايدى Kazinform ق ر ۇكىمەتىنىڭ باسپا ءسوز قىزمەتىنە سىلتەمە جاساپ.
اتاپ ايتقاندا، جەتىسۋ وبلىسىندا قۋاتتىلىعى 1 گ ۆت بولاتىن ءىرى جەل ەلەكتر ستانسياسىن سالۋ جوباسى تالقىلاندى.
قازىرگى ۋاقىتتا دايىندىق جۇمىستارى ءجۇرىپ جاتىر، سوڭعى كەلىسىمگە قول جەتكىزىلگەننەن كەيىن، 2025 -جىلى قۇرىلىستى باستاۋ جوسپارلانعان.
پرەمەر-مينيستر اكىمشىلىك راسىمدەردى جەدەلدەتۋدى جانە ورتالىق مەملەكەتتىك ورگاندار تاراپىنان بارلىق قاجەتتى شەشىمدەردى ءبىر كۇندە ازىرلەۋدى تاپسىردى.
سونداي-اق كەڭەستە اۋىل شارۋاشىلىعى، فارماتسيەۆتيكا، مەتاللۋرگيا جانە ت. ب. سالالاردا جاڭا جوبالاردى جۇزەگە اسىرۋ ماسەلەلەرى تالقىلاندى.
ءاليحان سمايىلوۆ ساۋد ارابياسىنىڭ ينۆەستورلارىمەن جۇمىستى بارلىق دەڭگەيدە جانداندىرۋ قاجەتتىگىن اتاپ ءوتتى.
پرەمەر-مينيستر ۇكىمەتارالىق كوميسسيانىڭ تاياۋدا بولاتىن وتىرىسى قارساڭىندا ەكى ەل كاسىپكەرلەرىنىڭ قاتىسۋىمەن تاقىرىپتىق بيزنەس-فورۋم ۇيىمداستىرۋدى تاپسىردى.
