سۋ قويمالارى ەگىن ناۋقانىنا دايىن با - مينيسترلىكتىڭ جاۋابى

«سۋارۋ ماۋسىمىنا دايىندىق اياسىندا د. قونايەۆ اتىنداعى ۇلكەن الماتى كانالى «قازسۋشار» فيليالى 30 گيدروبەكەتكە، ونىڭ ىشىندە كۇرتى سۋ قويماسىنداعى گيدروبەكەتكە دە جوندەۋ جۇرگىزىلدى. پاۆلودار وبلىسى بويىنشا «قازسۋشار» فيليالى شىدەرتى ليماندى سۋارۋ جۇيەسىنە سۋ جىبەرۋدى جالعاستىرىپ جاتىر. بۇگىندە 40,4 ميلليون تەكشە مەتر سۋ جينالىپ، 11,5 مىڭ گەكتار ليمان ساعاسى تولتىرىلدى. سونداي-اق، كولباي ليماندى سۋارۋ جۇيەسىنە سۋ جىبەرۋ جۇمىسى ءجۇرىپ جاتىر»، - دەدى ءمولدىر ابدۋاليەۆا و ك ق- دە وتكەن بريفينگىدە.

ودان بولەك، اتالعان وڭىردە بەلوۆود توپتىق سۋ قۇبىرىندا اينالىمدى سۋمەن جابدىقتاۋ جۇيەلەرىن جوندەۋ، ماگيسترالدىق جەلىنى تەكسەرۋ جانە قاجەت بولعان جاعدايدا قۇدىقتارداعى ەرىگەن قار سۋىن ايداۋ جۇمىستارى جۇرگىزىلەدى. سونىمەن قاتار سۋ تاسقىنىنىڭ الدىن الۋ ءۇشىن 1-سورعى ستانساسىندا بوگەت سالىنىپ جاتىر.

«ەگىس القاپتارىن سۋمەن قامتاماسىز ەتۋ ساپاسىن جاقسارتۋ ءۇشىن «قازسۋشار» مەكەمەسىنىڭ تۇركىستان وبلىستىق فيليالى مەملەكەتارالىق «حانىم» كانالىنىڭ 15 مىڭ تەكشە مەتردەن استام بولىگىندە مەحانيكالىق تازالاۋ جۇمىسىن جۇرگىزىپ، 17 مىڭ تەكشە مەتردەن استام لاي تۇنباسى شىعارىلدى. سونداي-اق، تۇركىستان وڭىرلىك فيليالى «نايمان» كانالىنىڭ 6 شاقىرىم بولىگىنە بەتون توسەدى»، - دەيدى سپيكەر.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى