س ق و-دا العاش رەت تالمامەن اۋىراتىن ناۋقاسقا وتا جاسالدى
پەتروپاۆل. KAZINFORM - سولتۇستىك قازاقستان وبلىسىنىڭ كوپبەيىندى اۋرۋحاناسىندا كەزبە جۇيكەسى ستيمۋلياتورىن ورناتۋ بويىنشا العاشقى وتا ءساتتى ءوتتى.
«الەۋمەتتىك مەديتسينالىق ساقتاندىرۋ قورى» ك ە ا ق س ق و ف باسپا ءسوز قىزمەتىنىڭ مالىمەتىنشە، استانا قالاسىنىڭ نەيروحيرۋرگ دارىگەرى جانە ەپيلەپتولوگى ازات شپەكوۆ تاجىريبەسىمەن ءبولىستى. ەپيلەپسيامەن اۋىراتىن ايەلگە وتا وبلىستىق كوپبەيىندى اۋرۋحانانىڭ نەيروحيرۋرگيالىق بولىمشەسىندە جاسالدى.
مامانداردىڭ ايتۋىنشا، كەزبە جۇيكەسى ستيمۋلياتورى - VNS ورناتۋ، ادەتتە، باسقا ادىستەر ناتيجە بەرمەگەن كەزدە قولدانىلىپ، ەمدەۋدىڭ سوڭعى كەزەڭى بولىپ ەسەپتەلەدى.
- كەزبە جۇيكەسىن ىنتالاندىرۋ فارماكورەزيستەنتتى ەپيلەپسيانىڭ اۋىر تۇرىمەن اۋىراتىن ناۋقاستاردىڭ جاعدايىن جاقسارتۋعا كومەكتەسەدى. بۇل اعزانىڭ ەپيلەپسياعا قارسى جۇيەسىن ىنتالاندىرۋعا مۇمكىندىك بەرەدى. VNS وپەراتسياسى كەزىندە مويىن-بۇعانا ماڭىندا ەكى تىلىك جاسالادى. ەلەكترود وراتىلىپ، ول كىشكەنتاي چيپپەن بايلانىستىرىلادى. وسى ارقىلى ەپيلەپسياعا قارسى تىتىركەندىرگىشتەر تەرى استىنا يمپلانتاتسيالاناتىن ستيمۋلياتوردان ميعا جىبەرىلەدى. بۇل ۇستامانىڭ دامۋىن بولدىرماۋعا كومەكتەسەدى.
ناۋقاسقا ماگنيتتى بىلەزىك تاعىلادى. ۇستاما باستالايىن دەپ جاتقان كەزدە بىلەزىكتى كەۋدەگە جاقىنداتىپ، توقتاتۋعا بولادى. VNS قولدانۋ پاتسيەنتتەردىڭ ءومىر ساپاسىن جاقسارتادى، - دەيدى وبلىستىق كوپبەيىندى اۋرۋحانانىڭ ورديناتور دارىگەرى بالحار شاتۋيەۆ.
وتا جاسالعان سىرقاتتىڭ جاسى - 45 تە. ول بەس جىلدان ارتىق ەپيلەپسيامەن اۋىرعان. ءدارى-دارمەك كەيىنگى كەزدە كومەكتەسپەي، سالدارىنان پرەپاراتتاردىڭ مولشەرىن ۇلعايتۋعا تۋرا كەلگەن ەكەن. م ءا م س اياسىندا ايەلگە قىمبات وتا تەگىن جاسالدى.
اۆتور
اقەركە داۋرەنبەك قىزى
