پرەزيدەنتتىك ورتالىقتا شەجىرە فەستيۆالى ءوتتى

فەستيۆال پرەزيدەنتتىك ورتالىقتىڭ باستاماسىمەن، استانا اكىمدىگىنىڭ ادىستەمەلىك ورتالىعى مەن مەكتەپكە دەيىنگى ءبىلىم بەرۋ ۇيىمدارىنىڭ ۇيىمداستىرۋىمەن ءۇش جىلدان بەرى ءوتىپ كەلەدى.

- بۇگىنگى ءىس-شارانىڭ نەگىزگى ماقساتى - ءوسىپ كەلە جاتقان ۇرپاققا پاتريوتيزم سەزىمىن ءسىڭىرۋ جانە ۇلتتىق داستۇرلەردى ساقتاۋ. بالا تاريبەسىنە بەي-جاي قارامايتىن اتا-انالارعا ريزاشىلىعىمزدى بىلدىرەمىز. ەلىمىزدە ەڭ باستى قۇندىلىق - ادام، ادامنىڭ بوستاندىعى. كونستيتۋتسيامىز بويىنشا، نەكە، وتباسى، اكە، انا، بالا مەملەكەتتىڭ قورعاۋىندا، بالا تاربيەسى ءۇشىن ارينە اتا-انا جاۋاپتى، ءبىراق مەملەكەتتىڭ نەگىزگى ماقساتى - وسى قۇندىلىقتاردى جاس ۇرپاقتىڭ بويىنا ءسىڭىرۋ. بۇل رۋعا ءبولىنۋ ەمەس، سەبەبى جەتى اتاسىن بىلگەن ازامات جەتى رۋدىڭ قامىن جەيدى. بۇگىن بۇلدىرشىندەر اتا-باباسىنىڭ جەتىستىگىن ايتىپ جاتىر، بۇل دا ۇرپاق ءۇشىن ونەگە دەپ ويلايمىن، - دەدى ق ر پرەزيدەنتتىك ورتالىعىنىڭ ديرەكتورى مىندەتىن اتقارۋشى سەرىك سىدىقوۆ.

مەرەكەلىك شارادا ەلوردالىق بالاباقشالاردىڭ تاربيەلەنۋشىلەرى مەن ولاردىڭ تۋىستارى ءوز وتباسىنىڭ تاريحىن شىعارماشىلىقپەن تانىستىرىپ، «جەتى اتا» شەجىرە اعاشىن تانىستىردى.

- ءان سالامىز، بىزدەن كەيىنگى جاستارعا ىنتىماقتى دارىپتەگەن ءداستۇرلى شارا دەپ ويلايمىن. سوندىقتان، بۇگىنگى فەستۆيالگە قاتىسقان بارشا جانعا ساتتىلىك، وتباسىعا تاۋسىلمايتىن ءتاتتى ءۇمىت تىلەيمىز. كەلىنشەگىم ءانشى، ءوزىم اقىندىققا جاقىنمىن، قىزدارىمىزبەن بىرگە ساحنادا ونەرىمىزدى كورسەتتىك. بالالارىمىزدىڭ وسىنداي قوعامدىق، مەرەكەلىك شارالارىنا ءجيى قاتىسۋعا تىرىسامىز، - دەيدى جىلقىبايەۆتار وتباسى.

فەستيۆال قورىتىندىسى بويىنشا جىلقىبايەۆتار وتباسى (53-«مەرەي» بالاباقشاسى) «ۇلگىلى وتباسى» نوميناتسياسىمەن، مەشەلدەر (92-«جاۋقازىن» بالاباقشاسى) - «ۇلتتىق قۇندىلىقتاردى ناسيحاتتاۋشى وتباسى»، زۇلپۇحاروۆتار - (74-«داۋرەن» بالاباقشاسى) - «تاريحى تەرەڭ وتباسى»، تۇرسىنبايەۆتار (67-«شۇعىلا» بالاباقشاسى) - «ونەرلى وتباسى» اتالىمدارىمەن ماراپاتتالدى.

سونداي-اق، «تاتۋ وتباسى» نوميناتسياسى - باۋبەكوۆتار وتباسىنا (58-«وركەن» بالاباقشاسى)، «ونەگەلى وتباسى» نوميناتسياسى - تەمىرحانوۆتارعا (35-«ەرتەگى» بالاباقشاسى) جانە «مەرەيلى وتباسى» نوميناتسياسى - اسلان وتباسىنا (5-«اقبوتا» بالاباقشاسى) بەرىلدى.

بارلىق قاتىسۋشىلارعا ديپلومدار مەن ەستەلىك سىيلىقتار تابىستالدى. بالاباقشا باسشىلارى مەن تاربيەشىلەرىنە ق ر پرەزيدەنتتىك ورتالىعىنىڭ اتىنان العىس حاتتار تاپسىرىلدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى