پرەزيدەنتتىڭ وتستاۆكاعا كەتۋىن تالاپ ەتپەك: كورەيادا جالپىۇلتتىق ميتينگىلەر وتەدى

نارازىلىق شەرۋلەرىن ءىرى قالالاردا وتكىزۋ جوسپارلانعان، وندا شەرۋشىلەر پرەزيدەنتتىڭ دەرەۋ وتستاۆكاعا كەتۋىن تالاپ ەتىپ، بيلەۋشى حالىقتىق بيلىك پارتياسىنىڭ (ح پ پ) زاڭ شىعارۋشىلارىن يمپيچمەنت تۋرالى ۇسىنىستى قولداۋعا شاقىرادى.

جۇما كۇنگى جاعداي بويىنشا بيلەۋشى پارتيانىڭ جەتى زاڭ شىعارۋشىسى يۋن سوك ەلعا يمپيچمەنت جاريالاۋدى قولدايتىندارىن اشىق ءبىلدىردى. يمپيچمەنت تۋرالى ۇسىنىستى قابىلداۋ ءۇشىن كوپشىلىكتىڭ ۇشتەن ەكى داۋىسى جانە بيلەۋشى پارتيانىڭ كەمىندە سەگىز زاڭ شىعارۋشىنىڭ قولداۋى قاجەت.

سەۋلدە ازاماتتار كەشە ەۆيدوداعى ۇلتتىق اسسامبلەيانىڭ جانىنا جەرگىلىكتى ۋاقىت بويىنشا ساعات 15:00-دە (استانا ۋاقىتىمەن 11:00) ءوتۋى ءتيىس ازاماتتىق توپتار ۇيىمداستىرعان جاپپاي شىراق شەرۋى ءۇشىن جينالا باستاعان بولاتىن.

كۆاندجۋدا 145 ازاماتتىق توپتان تۇراتىن كواليتسيا قالا ورتالىعىندا شەرۋ وتكىزىپ، ودان كەيىن شەرۋشىلەر كىمنام كوشەسىمەن وتەدى. ۇيىمداستىرۋشىلاردىڭ ايتۋىنشا، شەرۋگە مىڭداعان ادام 1980 -جىلعى 18-مامىرداعى وڭتۇستىك كورەياداعى دەموكراتيالىق قوزعالىسىنداعى ماڭىزدى وقيعا - كۆاندجۋ كوتەرىلىسى تاريحي باعىتى بويىنشا وتەدى دەپ كۇتىلىپ وتىر.

شەرۋلەر سونداي-اق ءداستۇرلى كونسەرۆاتيۆتى بەكىنىستەردە، سونىڭ ىشىندە پۋسان، تەگۋ جانە وڭتۇستىك جانە سولتۇستىك كەنسان پروۆينتسيالارىندا جوسپارلانعان. پۋساندا ميتينگىلەر سومەن اۋدانىندا وتەدى. وندا قاتىسۋشىلار شەرۋگە شىعىپ، سودان كەيىن يمپيچمەنت داۋىس بەرۋىن تىكەلەي ەفيردە كورۋ ءۇشىن جينالادى.

تەگۋ قالاسىندا وپپوزيتسيالىق پارتيالار مەن ازاماتتىق توپتار مىڭداعان ادامدى جينايتىن ورتالىق تونسون كوشەسىندە بولەك شەرۋلەر وتكىزەدى. نارازىلىق بىلدىرۋشىلەر پرەزيدەنت باسشىلىعىنا كوڭىلدەرى تولمايتىنىن ءبىلدىرىپ، حالىقتىڭ نارازىلىعى كۇشەيگەن جاعدايدا ونىڭ وتستاۆكاعا كەتۋىن تالاپ ەتەدى دەپ كۇتىلىپ وتىر.

كانۆوندو پروۆينسياسىندا جەتى قالا مەن وكرۋگتە، سونىڭ ىشىندە يۋن سوك ەلدىڭ اناسى جاعىنان تۋعان جەرى كاننىندا تۇرعىندار ونىڭ قىزمەتىنەن كەتۋىن تالاپ ەتۋ ءۇشىن جەرگىلىكتى كورنەكتى جەرگە جينالادى. چەدجۋ، ينچحون، تەدجون جانە سولتۇستىك جانە وڭتۇستىك چحۋنچحون پروۆينتسيالارىندا جالپىۇلتتىق نارازىلىق اۋقىمىن كورسەتەتىن قوسىمشا ميتينگىلەر وتەدى.

بۇعان دەيىن وڭتۇستىك كورەيانىڭ ۇلتتىق اسسامبلەياسى وتكەن اپتادا اسكەري جاعداي ەنگىزۋ ارەكەتىنە قاتىستى يۋن سوك ەل مەن جەتى شەنەۋنىكتى تەز ارادا قاماۋعا الۋدى تالاپ ەتەتىن قارار قابىلدادى.

سونداي- اق وڭتۇستىك كورەيا پارلامەنتى پرەزيدەنت يۋن سوك ёلعا قاتىستى ايىپتاۋلاردى تەكسەرۋ ءۇشىن ارنايى پروكۋرور تاعايىنداۋ تۋرالى زاڭ جوباسىن قابىلدادى.

ودان بولەك وڭتۇستىك كورەيا پرەزيدەنتىنە ساپارعا شىعۋعا تىيىم سالىندى. ەلدەن شىعۋعا تىيىم سالۋ يۋن سوك ەل جاريالاعان اسكەري جاعدايعا بايلانىستى تەرگەۋ امالدارى ءۇشىن قاجەت بولدى.

ەسكە سالا كەتسەك، وڭتۇستىك كورەيانىڭ پروكۋراتۋراسى پرەزيدەنتكە قارسى مەملەكەتكە وپاسىزدىق جاسادى دەگەن ايىپ تاعىپ وتىر. وڭتۇستىك كورەيانىڭ بۇرىنعى قورعانىس ءمينيسترى دە مەملەكەتكە وپاسىزدىق جاسادى دەگەن ايىپپەن قاماۋعا الىندى.

سونىمەن قاتار ۇلتتىق جينالىس پلەنارلىق وتىرىستا پرەزيدەنتكە يمپيچمەنت جاريالاۋ تۋرالى ۇسىنىسقا داۋىس سالدى. بيلىكتەگى «حالىقتىق بيلىك» پارتياسىنىڭ (ح ب پ) ءۇش زاڭ شىعارۋشىسىنان باسقاسى يمپيچمەنت تۋرالى ۇسىنىسقا داۋىس بەرۋگە بويكوت جاريالادى.

بۇرىنعى قورعانىس ءمينيسترى كيم ەن حەن پرەزيدەنت يۋن سوك ەلعا وتكەن اپتادا اسكەري جاعداي ەنگىزۋ ارقىلى بۇلىك شىعارۋعا كومەكتەستى دەگەن ايىپپەن سارسەنبىدە رەسمي تۇردە قاماۋعا الىندى.

اۆتور

زارينا تۋعانبايەۆا

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى