پرەزيدەنتتىڭ ءىس باسقارماسى مەديتسينالىق ورتالىعىنىڭ اۋرۋحاناسى ۇلتتىق اككرەديتتەۋدىڭ جوعارى ساناتىنا يە بولدى

استانامەن تۇيدەي قۇرداس اۋرۋحانا - العاشقى مەديتسينالىق كومەكتەن باستاپ جوعارى تەحنولوگيالى وپەراتسيالار مەن وڭالتۋعا دەيىنگى اۋقىمدى مەديتسينالىق قىزمەتتەردى ۇسىناتىن جەتەكشى كوپسالالى ۇيىم. مۇندا قىزمەت ەتەتىن بارلىق دارىگەر مەن مەديتسينا قىزمەتكەرى حالىقارالىق ستاندارتتارعا ساي بولۋ ءۇشىن قاتاڭ ىرىكتەۋدەن ءوتىپ، ۇنەمى ءبىلىم الىپ، بىلىكتىلىگىن ارتتىرىپ تۇرادى.

اۋرۋحانا بازاسىندا 2018 -جىلدان باستاپ اۋرۋلارعا گەنەتيكالىق بەيىمدىلىكتى انىقتاۋ، ونكولوگيالىق اۋرۋلاردى دياگنوستيكالاۋ جانە ەمدەۋ ءۇشىن NGS تەحنولوگيالارىن قولداناتىن دەربەستەندىرىلگەن گەنومدىق دياگنوستيكا زەرتحاناسى تابىستى جۇمىس ىستەپ كەلەدى. بيىل زەرتحانا قازاقستاندا العاشقى بولىپ داۋن سيندرومىن جۇكتىلىكتىڭ 10-اپتاسىنان باستاپ %99 دالدىكپەن انىقتاۋعا بولاتىن پرەناتالدىق تەست ەنگىزدى.

2018 -جىلى ۋرولوگيا، گينەكولوگيا جانە حيرۋرگيا بويىنشا وپەراتسيالاردى كومەكشى-روبوتپەن جاسايتىن قازاقستانداعى حالىقارالىق روبوتتالعان حيرۋرگيا ورتالىعى اشىلدى.

ق ر پ ءى ب م و اۋرۋحاناسىندا كۇردەلى اۋرۋلاردى دياگنوستيكالاۋ جانە باقىلاۋ ءۇشىن پ ە ت/ك ت جانە ب ف ە ك ت/ك ت جابدىقتالعان يادرولىق مەديتسينا ورتالىعى بار. مۇندا ونكولوگيانى انىقتاۋ ءۇشىن فتور، كومىرتەك جانە گاليگە نەگىزدەلگەن 7 ءتۇرلى راديوفارمپرەپارات شىعارىلادى. بيىل ورتالىق بازاسىندا ەلىمىزدە العاش رەت ونكولوگياعا شالدىققان ناۋقاستاردىڭ سۇيەگىندەگى مەتاستازدى ەمدەيتىن بىرەگەي راديونۋكليدتىك تەراپيا ەنگىزىلدى.

سونىمەن قاتار 2021 -جىلدان باستاپ زاماناۋي حالىقارالىق ستاندارتتارعا سايكەس جوبالانعان تەكسەرۋلەردەن جىلدام وتۋگە مۇمكىندىك بەرەتىن Check-up دياگنوستيكا بولىمشەسى جۇمىس ىستەيدى.

اۋرۋحانا جوعارى ساناتتى يەلەنە وتىرىپ مەديتسينالىق قىزمەت، يننوۆاتسيالىق ءتاسىل مەن ۇجىمنىڭ كاسىبيلىگى جوعارى دارەجەدە ەكەنىن تاعى ءبىر مارتە دالەلدەپ تۇر. ق ر پ ءى ب م و اۋرۋحاناسى عىلىم، ءبىلىم مەن كلينيكانى ۇشتاستىرا وتىرىپ قازاقستانداعى زاماناۋي مەديتسينا ەتالونى بولىپ قالا بەرمەك.

اسحات رايقۇل

اۆتور

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى