پرەزيدەنتكە قازاقستان مەن ە ە ك اراسىنداعى ىقپالداستىق تۋرالى باياندالدى
استانا. KAZINFORM - مەملەكەت باسشىسى ەۋرازيالىق ەكونوميكالىق كوميسسيا القاسىنىڭ ءتوراعاسى باقىتجان ساعىنتايەۆتى قابىلدادى، دەپ حابارلايدى اقوردانىڭ باسپا ءسوز قىزمەتى.
كەزدەسۋ بارىسىندا پرەزيدەنت قاسىم-جومارت توقايەۆ باقىتجان ساعىنتايەۆتى ەۋرازيالىق ەكونوميكالىق كوميسسيا (ە ە ك) القاسىنىڭ ءتوراعاسى قىزمەتىنە كىرىسۋىمەن قۇتتىقتادى.
مەملەكەت باسشىسىنا ەە ك قىزمەتىنىڭ باسىم باعىتتارى جانە ونى ودان ءارى دامىتۋ پەرسپەكتيۆاسى، سونداي-اق قازاقستان مەن ە ە ك اراسىنداعى ءوزارا ىقپالداستىقتىڭ جاي- كۇيى تۋرالى باياندالدى.
سونىمەن قاتار كەزدەسۋدە 2030 جانە 2045 -جىلدارعا دەيىنگى «ەۋرازيالىق ەكونوميكالىق جول» دەكلاراتسياسىن جۇزەگە اسىرۋ جونىندەگى ءىس- شارالار جوسپارىن ازىرلەۋ، سونداي-اق بيىل مامىر ايىندا ماسكەۋدە وتەتىن جوعارى ەۋرازيالىق ەكونوميكالىق كەڭەستىڭ مەرەيتويلىق وتىرىسىنا دايىندىق ماسەلەلەرى تالقىلاندى.
