پرەزيدەنتكە جاساندى ينتەللەكت سالاسىنداعى وتاندىق ونىمدەر تانىستىرىلدى

ورتالىق ەلىمىزدى جاساندى ينتەللەكتكە باعدارلانعان مەملەكەتكە اينالدىرۋ، سونداي-اق قوعامدىق جانە ەكونوميكالىق ءومىرىنىڭ بارلىق سالاسىندا اقپاراتتىق تەحنولوگيالاردىڭ دامۋىن قامتاماسىز ەتۋ ماقساتىندا قۇرىلادى.

پرەزيدەنتكە Nur Alem سفەراسىندا ورنالاساتىن AIemai جاساندى ينتەللەكت ورتالىعىنىڭ تۇجىرىمداماسى تانىستىرىلدى.

سيفرلىق دامۋ، يننوۆاتسيالار جانە اەروعارىش ونەركاسىبى ءمينيسترى جاسلان ماديەۆتىڭ ايتۋىنشا، ورتالىق جانىنان Tomorrow School جانە Tumo Education مەكتەپتەرى اشىلادى. مۇندا جىل سايىن مىڭنان استام وقۋشىعا باعدارلامالاۋ ماشىقتارىن، روبوتتى تەحنيكانى جانە باسقا دا كرەاتيۆتى تەحنولوگيالاردى ۇيرەتۋ، سونداي-اق جوعارى بىلىكتى 1000 مامان دايارلاۋ جوسپارلانىپ وتىر. AIemai حالىقارالىق ورتالىعى ستارتاپتار اكسەلەراتسياسى جانە زەرتتەۋ جوبالارىن قولداۋعا ارنالعان كامپۋس رەتىندە قىزمەت كورسەتەدى.

پرەزيدەنتكە ينكۋباتسيا جانە اكسەلەراتسيا باعدارلامالارىنا قاتىسىپ جاتقان، كەلەشەگى زور وتاندىق ستارتاپ جوبالار مەن كومپانيالار تۋرالى اقپارات بەرىلدى.

ولاردىڭ اراسىندا تۇتىنۋشىلارمەن بايلانىسقا ارنالعان دىبىستى روبوتتاردى ازىرلەۋگە جانە ەنگىزۋگە ماماندانعان Cybernetai، يممۋندى تەراپيا جانە دياگنوستيكا سالالارىنداعى كۇردەلى مىندەتتەردى شەشۋگە ءوز ۇلەسىن قوسۋعا نيەتتى ArlanBiotech كومپانيالارى بار. ال پەرسپەكتيۆاسى زور تاعى ءبىر ستارتاپ - Higgsfield AI عالىمدار مەن ينجەنەرلەرگە كۇردەلى كومپيۋتەرلىك مودەلدەردى ۇيرەتۋگە كومەكتەسەتىن وزىق جۇيەنى ويلاپ تاپتى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى