پرەزيدەنت يوردانياعا رەسمي ساپارى اياسىندا 10 قۇجاتقا قول قويدى
استانا. KAZINFORM - كەلىسسوزدەر اياقتالعاننان كەيىن قازاقستان رەسپۋبليكاسىنىڭ پرەزيدەنتى قاسىم-جومارت توقايەۆ پەن يوردان حاشيميت كورولدىگىنىڭ كورولى II ابداللا بەن ءال-حۋسەين بىرلەسكەن مالىمدەمە قابىلدادى. بۇل تۋرالى اقوردا ءمالىم ەتتى.
سونداي-اق مەملەكەتتەر باسشىلارىنىڭ قاتىسۋىمەن رەسمي دەلەگاتسيالار مۇشەلەرى تومەندەگىدەي قۇجاتتارعا قول قويدى:
1. قازاقستان رەسپۋبليكاسى ۇكىمەتى مەن يوردان حاشيميت كورولدىگى ۇكىمەتى اراسىنداعى ونەركاسىپتىك ىنتىماقتاستىق ماسەلەلەرى بويىنشا ءوزارا تۇسىنىستىك تۋرالى مەموراندۋم؛
2. قازاقستان رەسپۋبليكاسى ەنەرگەتيكا مينيسترلىگى مەن يوردان حاشيميت كورولدىگى اتوم ەنەرگەتيكاسى جونىندەگى كوميسسياسى اراسىنداعى اتوم قۋاتىن بەيبىت ماقساتتا پايدالانۋ سالاسىنداعى ىنتىماقتاستىق ماسەلەلەرى بويىنشا ءوزارا تۇسىنىستىك تۋرالى مەموراندۋم؛
3. قازاقستان رەسپۋبليكاسى ۇلتتىق ەكونوميكا مينيسترلىگى مەن يوردان حاشيميت كورولدىگى ونەركاسىپ، ساۋدا جانە جابدىقتاۋ مينيسترلىگى اراسىنداعى ءوزارا تۇسىنىستىك پەن ىنتىماقتاستىق تۋرالى مەموراندۋم؛
4. «سامۇرىق-قازىنا» ۇلتتىق كومپانياسى» اق مەن يوردان حاشيميت كورولدىگى ينۆەستيتسيالار مينيسترلىگى اراسىنداعى ىنتىماقتاستىق تۋرالى كەلىسىم؛
5. قازاقستان رەسپۋبليكاسى پرەزيدەنتى ءىس باسقارماسى «قازاقستان رەسپۋبليكاسى پرەزيدەنتىنىڭ تەلەراديوكەشەنى» شارۋاشىلىق جۇرگىزۋ قۇقىنداعى رەسپۋبليكالىق مەملەكەتتىك كاسىپورىنى مەن يوردانيا راديو جانە تەليەۆيزيا كورپوراتسياسى (Jordan Radio and Television Corporation) اراسىنداعى ءوزارا تۇسىنىستىك پەن ىنتىماقتاستىق تۋرالى مەموراندۋم.
بۇدان بولەك، مەملەكەت باسشىسىنىڭ يوردانياعا رەسمي ساپارى اياسىندا ۆەدومستۆوارالىق جانە كوممەرتسيالىق 10 قۇجاتقا قول قويىلدى.
ەسكە سالا كەتەيىك، بۇعان دەيىن پرەزيدەنت يوردان حاشيميت كورولدىگىنە رەسمي ساپارمەن بارعانىن جازعان بولاتىنبىز.
مەملەكەت باسشىسى ءال-حۋسەينيا سارايىنا كەلدى.
پرەزيدەنت قاسىم-جومارت توقايەۆ يوردانيا كورولىمەن كەلىسسوز جۇرگىزدى.
