پرەزيدەنت تۇرىكمەنستاننىڭ تۇراقتى بەيتاراپتىعىنا 29 جىل تولۋىمەن قۇتتىقتادى
استانا. KAZINFORM - قاسىم-جومارت توقايەۆ سەردار بەردىمۇحامەدوۆكە تۇرىكمەنستاننىڭ تۇراقتى بەيتاراپتىعىنا 29 جىل تولۋىنا وراي قۇتتىقتاۋ جولدادى. بۇل تۋرالى اقوردانىڭ باسپا ءسوز قىزمەتى حابارلادى.
قازاقستان پرەزيدەنتى جەدەلحاتىندا تۇرىكمەنستاننىڭ تابىستى جۇرگىزىپ وتىرعان بەيتاراپتىق ساياساتى ەلدىڭ حالىقارالىق ارەناداعى بەدەلىن بيىكتەتىپ، زور قۇرمەتكە بولەگەنىن اتاپ ءوتتى.
- قازاقستان مەن تۇرىكمەنستاندى سان عاسىردان تامىر تارتاتىن بەرىك دوستىق، تاتۋ كورشىلىك جانە ءوزارا قولداۋ رۋحىنداعى قارىم-قاتىناس بايلانىستىرادى. باۋىرلاس ەكى ەل اراسىنداعى ستراتەگيالىق سەرىكتەستىك نىعايا ءتۇسىپ، قارقىندى دامىپ كەلەدى. ءبىز مۇنى جوعارى باعالايمىز، - دەلىنگەن قۇتتىقتاۋدا.
مەملەكەت باسشىسى تۇرىكمەنستان پرەزيدەنتىنىڭ جاۋاپتى قىزمەتىنە تابىس، ال باۋىرلاس تۇرىكمەن حالقىنا باق- بەرەكە تىلەدى.
