پرەزيدەنت تۇركى مەملەكەتتەرىنىڭ قارجىلىق تەرگەۋ ورگاندارىن قىلمىسپەن بىرگە كۇرەسۋگە شاقىردى
مەملەكەت باسشىسى قاسىم-جومارت توقايەۆ استانادا ءوتىپ جاتقان تۇركى مەملەكەتتەرى ۇيىمىنىڭ 10- سامميتىندە تۇركى مەملەكەتتەرىنىڭ قارجىلىق تەرگەۋ ورگاندارىن قىلمىسپەن بىرگە كۇرەسۋگە شاقىردى، دەپ حابارلايدى Kazinform اگەنتتىگى.
«بەسىنشى باسىمدىق - سەنىم (Trust). قازىر اۋمالى-توكپەلى زامان بولىپ تۇر. حالىقارالىق احۋال دا تۇراقسىز. وسىنداي الماعايىپ كەزەڭدە تۇركى جۇرتىنىڭ بىرلىگىن بەكەمدەي ءتۇسۋ اسا ماڭىزدى. بۇل - ورتاق قاۋىپسىزدىگىمىزدىڭ سەنىمدى كەپىلى.
قارۋ-جاراق جانە ەسىرتكى ساۋداسىنا، تەرروريزم مەن ەكسترەميزمگە، كوشى-قونعا قاتىستى سىن-قاتەرلەر كوبەيدى. مۇنداي قاۋىپتەردىڭ الدىن الۋ ءۇشىن قاۋىپسىزدىك سالاسىنداعى ىنتىماقتاستىقتى نىعايتۋىمىز كەرەك»، - دەدى قاسىم-جومارت توقايەۆ.
سونداي-اق، پرەزيدەنت كەلەسى جىلى استانادا تۇركى مەملەكەتتەرىنىڭ قاۋىپسىزدىك كەڭەسى حاتشىلارىنىڭ 3-وتىرىسىن وتكىزۋدى ۇسىندى.
«تۇركى مەملەكەتتەرىنىڭ قارجىلىق تەرگەۋ ورگاندارى اراسىندا قىلمىسپەن بىرگە كۇرەسۋ جانە اقپارات الماسۋ تۋرالى كەلىسىم جاساۋ ماڭىزدى»، - دەدى مەملەكەت باسشىسى.
ەسكە سالايىق، بۇگىن استانادا تۇركى مەملەكەتتەرى ۇيىمىنىڭ 10- سامميتى ءوتىپ جاتىر.
