پرەزيدەنت تەلەراديوكەشەنىنىڭ ۇجىمى استاناداعى نۇرا- ەسىل ارناسىنىڭ اينالاسىن تازارتتى

رەداكتورلار، جۋرناليستەر، وپەراتورلار مەن تەحنيكالىق ماماندار ۇلى دالا داڭعىلىنان باستاپ، نۇرا- ەسىل ارناسىنىڭ جاعالاۋىنداعى 2 گەكتار جەردى تازالادى. تازالىق جۇمىستارىنا 150 ادام قاتىستى. قىزمەتكەرلەر ايماقتى قوقىستان، شىرىگەن جاپىراقتار مەن بۇتالاردان تازارتىپ، قالانىڭ تازالىعىنا دەگەن قامقورلىقتىڭ جانە ەكولوگيالىق جاۋاپكەرشىلىكتىڭ ۇلگىسىن كورسەتتى.

ءىس- شارا «تازا قازاقستان. استانا - تازالىق پەن ءتارتىپتىڭ ۇلگىسى» اتتى اۋقىمدى ەكولوگيالىق اكتسيا مەن بۇكىلالەمدىك تازالىق كۇنى (World Cleanup Day) اياسىندا ءوتتى.

بۇگىن اۋقىمدى سەنبىلىك استانانىڭ بارلىق اۋماعىن قامتىدى. وعان قالا تۇرعىندارى، ەڭبەك ۇجىمدارى، مەملەكەتتىك ورگانداردىڭ، شاعىن جانە ورتا بيزنەس، ۇكىمەتتىك ەمەس ۇيىمداردىڭ وكىلدەرى، مادەنيەت جانە سپورت قايراتكەرلەرى، سونداي- اق كوممۋنالدىق قىزمەت پەن وزگە دە ۇيىم، مەكەمە ۇجىمدارى قاتىستى.

ءىس- شارا بارىسىندا كوشەلەر، جاياۋ جۇرگىنشىلەر جولدارى، اۋلالار، قوعامدىق كەڭەستىكتەر تازارتىلىپ، ساۋدا ورىندارى ماڭىنداعى قوقىس ۇيىندىلەرى جويىلدى.

پرەزيدەنت ت ر ك- نىڭ ۇجىمى سەنبىلىكتەرگە تۇراقتى قاتىسىپ كەلەدى. تامىز ايىندا استانانىڭ جەلىلىك باعىن تارتىپكە كەلتىرسە، ساۋىردە نۇرا- ەسىل ارناسىنىڭ جاعاسىن تازالادى.

ايدار وسپاناليەۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى