پرەزيدەنت تەلەراديوكەشەنى يوردانيالىق ب ا ق- پەن بايلانىسىن دامىتادى
استانا. KAZINFORM - بۇگىن اممان قالاسىندا قازاقستان رەسپۋبليكاسىنىڭ پرەزيدەنتى قاسىم-جومارت توقايەۆتىڭ يوردان حاشيميت كورولدىگىنە رەسمي ساپارى اياسىندا پرەزيدەنت تەلەراديوكەشەنى، يوردان تەلەراديو كورپوراتسياسى (Jordan Radio and Television Corporation) جانە «ءال-ماملياكا» تاۋەلسىز مەديا ستانساسى (The Independent Media Station Al-Mamlaka TV) اراسىندا ىنتىماقتاستىق تۋرالى مەموراندۋمعا قول قويىلدى.
ب ا ق سالاسىنداعى قازاقستان مەن يوردانيا قارىم-قاتىناسىن نىعايتۋعا باعىتتالعان قۇجاتتى پرەزيدەنت ترك ديرەكتورى راۋشان قاجىبايەۆا مەن يوردان حاشيميت كورولدىگى مينيسترلەر كابينەتىنىڭ مۇشەلەرى يارۋب ءال-كۋدا جانە مۋحانناد شەحادە راسىمدەدى. مەموراندۋمعا قول قويۋ ءراسىمى يوردانيا كورولى سارايىنداعى رەسمي سالتاناتتى شارا بارىسىندا ءوتتى.
ەستەرىڭىزگە سالا كەتسەك، 2023-جىلى پرەزيدەنت ترك قۇرامىنا كىرەتىن «كازينفورم» حالىقارالىق اقپارات اگەنتتىگى مەن يوردان اقپارات اگەنتتىگى (Petra) اراسىندا ىنتىماقتاستىق تۋرالى كەلىسىمگە قول قويىلعان بولاتىن. قول قويىلعان جاڭا قۇجات دوستاس ەكى ەلدىڭ بۇقارالىق اقپارات قۇرالدارىنىڭ كاسىبي بايلانىسىن ودان ارى دامتۋعا باعىتتالعان.
ق ر پرەزيدەنتى ت ر ك - قازاقستانداعى ءىرى مەديا-كومپانيالاردىڭ ءبىرى، ونىڭ قۇرامىنا Jibek Joly ،Silk Way ،Silk Way Cinema تەلەارنالارى، «Kazinform» حالىقارالىق اقپاراتتىق اگەنتتىگى، دەرەكتى فيلمدەر ورتالىعى كىرەدى.
يوردان تەلەراديو كورپوراتسياسى - 1985-جىلى Jordan TV مەن Jordan Radio بىرىگۋى ارقىلى نەگىزى قالانعان مەملەكەتتىك تەلەراديو كورپوراتسياسى. كورپوراتسيا 10 نان استام تەلەۆيزيالىق جانە راديو ارنانى بىرىكتىرىپ، اراب جانە اعىلشىن تىلدەرىنە حابار تاراتادى.
«ءال-ماملياكا» تاۋەلسىز مەديا ستانساسى - 2015-جىلى ىسكە قوسىلعان تاۋەلسىز سپۋتنيكتىك تەلەارنا جانە يوردانيا مەن تاياۋ شىعىس وڭىرىندەگى وقيعالاردان اراب تىلىندە جەدەل اقپارات تاراتۋعا ماشىقتانعان.
يوردان اقپارات اگەنتتىگى 1969-جىلى كورول جارلىعىمەن قۇرىلعان اقپارات اگەنتتىگى. كۇن سايىن اراب تىلىندە 100 دەن استام، اعىلشىن تىلىندە 35 ماتەريال جاريالاي وتىرىپ، يوردانياداعى، تاياۋ شىعىس پەن الەمدەگى وقيعالاردى حابارلايدى.
ايتا كەتەيىك، پرەزيدەنت يوردانياعا رەسمي ساپارى اياسىندا 10 قۇجاتقا قول قويدى.
