پرەزيدەنت تاپسىرمالارىنىڭ ناتيجەسى اۋىل حالقىنىڭ جاعدايىنان بايقالادى - ساراپشى

Kazinform ءتىلشىسى «قازاقستان اۋىلشارۋاشىلىق كووپەراتيۆتەرىنىڭ ۇلتتىق وداعى» زاڭدى تۇلعالار بىرلەستىگىنىڭ پرەزيدەنتى، ساراپشى مىرزاحمەت وكسىكبايەۆتىڭ پىكىرىن بىلگەن ەدى.

«پرەزيدەنت جۇكتەگەن تاپسىرمالاردىڭ قانشالىقتى ورىندالىپ جاتقانى اۋىل حالقىنىڭ جاعدايىنان كورىنەدى. باعاسىن بەرەتىن دە حالىق. سۋ ماسەلەسى، جايىلىمدىق جەرلەر، ليزينگ بولسىن، كوپتەگەن ماسەلە بار جانە ولاردىڭ شەشىمى تابىلىپ جاتىر. كەلەسى كوپتى تولعاندىراتىن ماسەلە - اۋىل حالقىنىڭ جاپپاي كوشۋى. بۇل رەتتە اۋىل تۇرعىندارىن قولداۋعا ارنالعان «اۋىل اماناتى» باعدارلاماسى بار. ول بويىنشا اۋىلدا ءىسىن دامىتام دەۋشىلەرگە قارجىلاي قولداۋ كورسەتىلىپ جاتىر. اتاپ ايتقاندا، 100 ميلليارد تەڭگە ءبولىندى»، - دەدى مىرزاحمەت وكسىكبايەۆ.

ساراپشىنىڭ ايتۋىنشا، اۋىلدىقتارعا جەڭىلدەتىلگەن نەسيە بەرۋدە ءبىرقاتار ماسەلە بار. اتاپ ايتقاندا، اۋىل حالقىن الدىن الا وقىتۋ قاجەت. تۇسىندىرمە جۇمىستارى اقساپ تۇر.

«تۇرعىندار جەڭىلدەتىلگەن نەسيەنى الادى، ءبىراق وسىدان كەيىن جەم- ءشوپ، جايىلىمدىق جەرلەر ماسەلەسى تۋىندايدى. وسى ورايدا، ۇيلەستىرۋ جۇمىسىنا كوڭىل ءبولۋ كەرەك. نەسيە قايتارىمدى بولۋى قاجەت»، - دەيدى ول.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى