پرەزيدەنت «تاسساي» يندۋستريالدى ايماعىن ارالاپ كوردى
استانا. KAZINFORM - قاسىم-جومارت توقايەۆقا يندۋستريالدى ايماقتا جالپى ينۆەستيتسيا سوماسى 44,5 ميلليارد تەڭگە بولاتىن 33 كاسىپورىن اشىلعانى جونىندە باياندالدى. بۇل تۋرالى اقوردانىڭ باسپا ءسوز قىزمەتى حابارلادى.
سونىمەن قاتار مۇندا قوسىمشا 800 گە جۋىق جۇمىس ورنىن قامتاماسىز ەتەتىن 9 ينۆەستيتسيالىق جوبا ىسكە اسىرىلا باستادى.
مەملەكەت باسشىسى جەڭىل ونەركاسىپ، ماشينا جاساۋ، قۇرىلىس جانە جيھاز ءوندىرىسىنىڭ ونىمدەرى قويىلعان كورمەمەن تانىستى. سونداي-اق پرەزيدەنتكە Aksa Enerji ـretim A. Ş كومپانياسىنىڭ ينۆەستيتسيالىق قۇنى 350 ميلليارد تەڭگە بولاتىن بۋ-گاز ەلەكتر ستانساسىنىڭ قۇرىلىسى تۋرالى مالىمەت بەرىلدى.
بۇدان كەيىن قاسىم-جومارت توقايەۆ ت م د نارىعىنا اۆتوترانسفورماتورلار، مايمەن ىستەيتىن كۇشتىك ترانسفورماتورلار مەن رەاكتورلار شىعاراتىن Asia Trafo زاۋىتىنىڭ وندىرىستىك جەلىسىن ارالاپ كوردى.
