پرەزيدەنت تاۋەلسىزدىكتىڭ 40 جىلدىعىنا دەيىنگى مىندەتتى اتادى
بۋراباي. KAZINFORM - ءبىز ءوزىمىزدىڭ باسقالاردان باسىم تۇسەتىن مىقتى تۇستارىمىزدى جاقسى بىلۋگە ءتيىسپىز. بۇل تۋرالى بۋرابايدا ءوتىپ جاتقان ۇلتتىق قۇرىلتايدىڭ IV وتىرىسىندا مەملەكەت باسشىسى قاسىم-جومارت توقايەۆ ءمالىم ەتتى.
«تاۋەلسىزدىگىمىزدىڭ 40 جىلدىعى جاقىنداپ كەلەدى. وسى ماڭىزدى بەلەسكە قانداي جەتىستىكپەن جەتەرىمىزدى، وعان دەيىن قانداي تاريحي مىندەتتەردى ورىنداۋعا ءتيىس ەكەنىمىزدى ناقتى ءبىلۋ ماڭىزدى. ءبىز شىندىققا تۋرا قاراۋىمىز كەرەك. ەلىمىز بارىنەن وزا شاۋىپ، بارلىق سالادا جانە بارلىق باعىتتا ءبىرىنشى قاتاردا بولا المايتىنىن ءتۇسىنۋىمىز قاجەت. سوندىقتان ءبىز ءوزىمىزدىڭ باسقالاردان باسىم تۇسەتىن مىقتى تۇستارىمىزدى جاقسى بىلۋگە ءتيىسپىز، - دەدى قاسىم-جومارت توقايەۆ.
پرەزيدەنتتىڭ پايىمىنشا، قازاقستاننىڭ كەمىندە ءتورت سالادا وراسان زور مۇمكىندىكتەرى بار. وسى سالالاردا ەلىمىزدى قامتاماسىز ەتىپ قانا قويماي، ايماقتىق، ءتىپتى، جاھاندىق اۋقىمدا ىقپالىمىزدى جۇرگىزە الامىز. سيفرلاندىرۋ ءىسى مەن جاساندى ينتەللەكت، كولىك تاسىمالى، ەنەرگەتيكا، اگروونەركاسىپ كەشەنى جانە ادام كاپيتالى نەگىز بولادى.
بۇدان بۇرىن حابارلانعانداي، پرەزيدەنت قازاقستانعا ءۇش اتوم ەلەكتر ستانساسىن سالۋ كەرەك ەكەنىن ايتتى.
