پرەزيدەنت ت م ۇ ەلدەرىنە استاناعا ەرەكشە مارتەبە بەرگەنى ءۇشىن العىس ايتتى
مەملەكەت باسشىسى قاسىم-جومارت توقايەۆ استانادا ءوتىپ جاتقان تۇركى مەملەكەتتەرى ۇيىمىنىڭ 10- سامميتىندە ۇيىم مۇشەلەرىن استاناعا تۇركى الەمىنىڭ قارجى ورتالىعى مارتەبەسىن بەرگەنى ءۇشىن العىس ايتتى، دەپ حابارلايدى Kazinform اگەنتتىگى.
«ايماقتار اراسىندا ساۋدا-ساتتىقتى كەڭەيتىپ، ەكونوميكاعا قارجى قۇيۋعا باسا ءمان بەرگەن ءجون. بۇل ىستە تۇركى ينۆەستيتسيالىق قورى ەرەكشە ءرول اتقارادى. تۇراقتى ەكونوميكالىق بايلانىستاردى نىعايتۋ ءۇشىن جاسىل قارجى نارىعىن دامىتۋ قاجەت»، - دەدى مەملەكەت باسشىسى.
پرەزيدەنت قازاقستاننىڭ «تۇركى جاسىل قارجى كەڭەسىن» قۇرۋدى ۇسىنعانىن ەسكە سالدى.
«وسى ۇسىنىستى جۇزەگە اسىرۋ ءۇشىن اۋقىمدى جۇمىس اتقارىلدى. بۇگىن ءتيىستى قۇجاتقا قول قويىلماق.
استانا قالاسىنا تۇركى الەمىنىڭ قارجى ورتالىعى مارتەبەسىن بەرۋ تۋرالى باستاما قولداۋعا يە بولدى. سىزدەرگە شىنايى العىسىمدى ايتامىن»، - دەدى مەملەكەت باسشىسى.
ەسكە سالايىق، بۇگىن استانادا تۇركى مەملەكەتتەرى ۇيىمىنىڭ 10- سامميتى ءوتىپ جاتىر.
