پرەزيدەنت سامۇرىق-قازىنانىڭ نۇرسۇلتان نازاربايەۆ باسقاراتىن كەڭەسىن تاراتىپ جىبەردى
مەملەكەت باسشىسى قاسىم- جومارت توقايەۆ تۇڭعىش پرەزيدەنت نۇرسۇلتان نازاربايەۆ ءتوراعالىق ەتەتىن «سامۇرىق- قازىنا» قورىنىڭ باسقارما كەڭەسىن تاراتىپ جىبەردى، دەپ حابارلايدى Kazinform.
«سامۇرىق- قازىنا» قورى باسپا ءسوز قىزمەتىنىڭ مالىمەتىنشە، قازاقستان پرەزيدەنتى قور تۋرالى زاڭعا وزگەرىستەر مەن تولىقتىرۋلار ەنگىزەتىن قۇجاتقا قول قويعان.
«ۇلتتىق ءال- اۋقات قورى تۋرالى» 2012 -جىلعى 1-اقپانداعى زاڭدا 6-1-باپ (قوردى باسقارۋ جونىندەگى كەڭەس) الىنىپ تاستالسىن» دەلىنگەن جاڭا قۇجاتتا.
قوردى باسقارۋ جونىندەگى كەڭەس- قور قىزمەتىنىڭ باسەكەگە قابىلەتى مەن تيىمدىلىگىن ارتتىرۋ بويىنشا ۇسىنىس ازىرلەيتىن كونسۋلتاتيۆتىك-كەڭەسشى ورگان ەدى.
ايتا كەتەيىك، بۇگىن مەملەكەت باسشىسى «قازاقستان رەسپۋبليكاسىنىڭ كەيبىر زاڭنامالىق اكتىلەرىنە قازاقستان رەسپۋبليكاسىنىڭ ۇلتتىق قورىنان بالالارعا ارنالعان قاراجاتتى ەسەپتەۋ، تولەۋ جانە پايدالانۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭعا قول قويدى.
بۇل زاڭدا تۇڭعىش پرەزيدەنت نۇرسۇلتان نازاربايەۆتى قوردى باسقارۋ جونىندەگى كەڭەس قۇرامىنان شىعاراتىن «ۇلتتىق ءال- اۋقات قورى تۋرالى» زاڭعا كىرگەن تۇزەتۋلەر دە بار.
