پرەزيدەنت «سامۇرىق-قازىنا» ا ق باسقارما ءتوراعاسى نۇرلان جاقىپوۆتى قابىلدادى

پرەزيدەنتكە 2021-2024 -جىلدار ارالىعىنداعى ورتاشا جىلدىق تابىس 13 پايىزدى قۇراعانى جونىندە مالىمەت بەرىلدى.

نۇرلان جاقىپوۆتىڭ ايتۋىنشا، كومپانيالار توبىنىڭ ينۆەستيتسيالىق پورتفەلىندە جالپى سوماسى 100 ميلليارد دوللاردان اساتىن 130 جوبا بار. بيىل 7 ءىرى ينۆەستيتسيالىق جوبانى اياقتاۋ جوسپارلانىپ وتىر. ولاردىڭ قاتارىنا «دوستىق-مويىنتى» ۋچاسكەسىندە ەكىنشى تەمىرجول جەلىسى مەن الماتى اينالما تەمىرجولىن سالۋ، اقتاۋ پورتىنىڭ بازاسىندا كونتەينەرلىك حاب قۇرۋ سياقتى جوبالار ەنەدى.

قاسىم-جومارت توقايەۆقا بىلتىر وتاندىق تاۋار وندىرۋشىلەردى قولداۋ باعىتىندا جۇرگىزىلگەن شارالار تۋرالى اقپارات بەرىلدى. كاسىپكەرلەرمەن جالپى قۇنى 1,1 تريلليون تەڭگە بولاتىن كەلىسىمشارتتار جاسالعان. وفتەيك- كەلىسىمشارتتاردىڭ سانى 2023 -جىلمەن سالىستىرعاندا 10 ەسە ارتقان.

- مەملەكەت باسشىسى «سامۇرىق-قازىنا» ا ق- نىڭ تيىمدىلىگى مەن اكتيۆتەرىنىڭ قۇنىن ارتتىرۋ جۇمىستارىن جالعاستىرۋ ماڭىزدى ەكەنىن اتاپ ءوتتى. پرەزيدەنتتىڭ ايتۋىنشا، ۇلتتىق ەكونوميكانىڭ بولاشاعىنا تىكەلەي اسەر ەتەتىن نەگىزگى ينفراقۇرىلىمدىق جوبالاردى ساپالى ىسكە اسىرۋعا ايرىقشا ءمان بەرۋ قاجەت، - دەلىنگەن حابارلامادا.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى