پرەزيدەنت رەسپۋبليكالىق بيۋدجەت تۋرالى زاڭعا قول قويدى

بۇعان دەيىن حابارلانعانداي، سەناتتىڭ جالپى وتىرىسىندا «2025 - 2027 -جىلدارعا ارنالعان رەسپۋبليكالىق بيۋدجەت تۋرالى» زاڭى قارالدى.

2025 -جىلعا تۇسىمدەر وسى جىلمەن سالىستىرعاندا 1,2 تريلليون تەڭگەگە ۇلعايا وتىرىپ، 21,7 تريلليون تەڭگە دەڭگەيىندە بولجاندى. 2025 -جىلى بيۋدجەت تاپشىلىعى جالپى ىشكى ونىمگە شاققاندا %2,7 دەڭگەيىندە ەسكەرىلگەن، ال 2027 -جىلعا قاراي بۇل كورسەتكىش %1,9- عا دەيىن تومەندەيدى.

بيۋدجەتتىڭ 2025 -جىلعا ارنالعان شىعىستارى تۇسىمدەر مەن تاپشىلىقتى ەسكەرە وتىرىپ، 25,8 تريلليون تەڭگەنى قۇرايدى، ياعني بيىلمەن سالىستىرعاندا 1,7 تريلليون تەڭگەگە ۇلعايىپ وتىر.

پارلامەنت سەناتىندا زاڭدى تالقىلاۋ بارىسىندا ءبىرقاتار ۇسىنىس ەنگىزىلدى. ولار حالىقتى تازا سۋمەن قامتاماسىز ەتۋ، گازداندىرۋ جۇيەسىن، جىلۋ ەلەكتر ەنەرگەتيكاسىن، كولىك، ينجەنەرلىك- كوممۋنيكاتسيا ينفراقۇرىلىمىنا، سونداي- اق «اۋىل - ەل بەسىگى» جوباسىن ىسكە اسىرۋعا قوسىمشا شىعىستار كوزدەلگەن

2025 -جىلى الەۋمەتتىك سالانىڭ شىعىستارى وسى جىلعا قاراعاندا 871 ميلليارد تەڭگەگە ۇلعايىپ، 9,8 تريلليون تەڭگە كولەمىندە جوسپارلاندى. ونىڭ بيۋدجەت شىعىستارىنداعى ۇلەسى 38 پايىزدى قۇرايدى. ءبىرىنشى باسىمدىق - الەۋمەتتىك قامتاماسىز ەتۋ جانە ازاماتتارعا الەۋمەتتىك كومەك كورسەتۋ. 2025 -جىلعا الەۋمەتتىك تولەمدەرگە ارنالعان شىعىستار - يندەكستەۋ مەن تولەمدەردى الۋشىلار سانىنىڭ ۇلعايۋىن ەسكەرە وتىرىپ، 6 تريلليون تەڭگە سوماسىندا قاراستىرىلعان.

ەكىنشى باسىمدىق - ءبىلىم بەرۋدى دامىتۋ. 2025 -جىلى بۇل باعىتقا شىعىستار 1 تريلليون تەڭگەگە جەتتى.

دەنساۋلىق ساقتاۋ جۇيەسىنە 2025-2027 -جىلدارعا ارنالعان شىعىستار 7,6 تريلليون تەڭگەنى قۇرايدى، ونىڭ ىشىندە بيىلمەن سالىستىرعاندا 188 ميلليارد تەڭگەگە ۇلعايىپ، 2025 -جىلعا 2,5 تريلليون تەڭگە قاراستىرىلعان. جالپى، 2025 -جىلى تەگىن مەديتسينالىق كومەكتىڭ كەپىلدىك بەرىلگەن كولەمىنە 1,6 تريلليون تەڭگە سوماسىندا شىعىستار جوسپارلاندى. الەۋمەتتىك مەديتسينالىق ساقتاندىرۋ قورىنا 675 ميلليارد تەڭگە، ونىڭ ىشىندە مەملەكەتتىك جارنالارعا 668 ميلليارد تەڭگە كوزدەلگەن.

ال 2025 -جىلى تۋريزم مەن سپورتتى دامىتۋعا رەسپۋبليكالىق بيۋدجەت شىعىستارى 141 ميلليارد تەڭگە، ال مادەنيەت پەن اقپاراتتى دامىتۋعا 165 ميلليارد تەڭگە كولەمىندە جوسپارلانعان.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى