پرەزيدەنت قازاقستان گيمناستيكا فەدەراتسياسىنىڭ پرەزيدەنتى ءاليا يۋسۋپوۆانى قابىلدادى
استانا. KAZINFORM - مەملەكەت باسشىسى قازاقستان گيمناستيكا فەدەراتسياسىنىڭ پرەزيدەنتى ءاليا يۋسۋپوۆانى قابىلدادى، دەپ حابارلايدى اقوردانىڭ باسپا ءسوز قىزمەتى.
قاسىم- جومارت توقايەۆ ءاليا يۋسۋپوۆانى قازاقستان گيمناستيكا فەدەراتسياسىنىڭ پرەزيدەنتى بولىپ قايتا سايلانۋىمەن قۇتتىقتادى.
كەزدەسۋدە ەلىمىزدە كوركەم گيمناستيكانى دامىتۋ پەرسپەكتيۆاسى تالقىلاندى. پرەزيدەنتكە فەدەراتسيانىڭ قازىرگى جۇمىسى مەن الداعى جوسپارى تۋرالى اقپارات بەرىلدى.
ءاليا يۋسۋپوۆا سپورت سالاسىنداعى كەيبىر وزەكتى پروبلەمالارعا قاتىستى ءبىرقاتار ۇسىنىسىن جەتكىزدى. فەدەراتسيا باسشىسىنىڭ ايتۋىنشا، بالالاردى گيمناستيكاعا ەرتە جاستان باۋلۋ ءۇشىن كەشەندى جۇمىس اتقارىلۋى كەرەك.
قاسىم- جومارت توقايەۆ سالا ينفراقۇرىلىمىن دامىتۋ جانە جاتتىقتىرۋشىلاردى دايارلاۋ ىسىندە تۋريزم جانە سپورت مينيسترلىگىمەن تىعىز قارىم- قاتىناس ورناتۋ قاجەت ەكەنىن ايتتى.
وسىعان دەيىن حابارلاعانىمىزداي، توقايەۆ Euronews ارناسىنىڭ ەلىمىزدە اشىلۋىن وتە ماڭىزدى وقيعا دەپ باعالادى.
