پرەزيدەنت قاسىم-جومارت توقايەۆ ب ۇ ۇ سامميتىندە ءسوز سويلەدى

مەملەكەت باسشىسى، ەڭ الدىمەن، سامميتتى جوعارى دەڭگەيدە ۇيىمداستىرعانى ءۇشىن ازەربايجان پرەزيدەنتى يلحام اليەۆكە العىس ايتىپ، ورتالىق ازيا ەلدەرى باسشىلارى مەن جيىنعا قاتىسۋشى قۇرمەتتى قوناقتارعا ءىلتيپات ءبىلدىردى.

- قازاقستان 1997 -جىلى ب ۇ ۇ- نىڭ ورتالىق ازيا ەكونوميكالارىنا ارنالعان ارنايى باعدارلاماسىن قۇرۋعا باستاماشى بولدى. قازىرگى ۋاقىتتا بۇل باعدارلامانىڭ وڭىرلىك ىنتىماقتاستىقتى كەڭەيتۋ جانە جاھاندىق ەكونوميكالىق پروتسەستەرگە قوسىلۋ تۇرعىسىنان ءتيىمدى پلاتفورماعا اينالعانىن ەرەكشە اتاپ وتكىم كەلەدى. ارنايى باعدارلامانىڭ 25 جىلدىعىنا وراي ۇيىمداستىرىلىپ وتىرعاندىقتان، بۇگىنگى كەزدەسۋىمىزدىڭ سيمۆولدىق ءمانى زور. بىلتىر قازاقستاننىڭ ءتوراعالىعى اياسىندا ءبىز باعدارلامانىڭ نەگىزگى باعىتتارى جونىندەگى ىقپالداستىقتى نىعايتىپ، ونى جۇزەگە اسىرۋ ءۇشىن ماڭىزدى شارالار قابىلدادىق، - دەدى قاسىم-جومارت توقايەۆ.

پرەزيدەنتتىڭ ايتۋىنشا، قازاقستان س پ ە ك ا- نى دامىتۋعا، سونداي- اق ورتالىق ازيا مەن كاۆكاز ءوڭىرىنىڭ ىنتىماقتاستىعىن نىعايتۋعا ازەربايجان رەسپۋبليكاسىنىڭ قوسقان ۇلەسىن جوعارى باعالايدى

س پ ە ك ا- عا قاتىسۋشى مەملەكەتتەر باسشىلارىنىڭ بۇگىنگى تاريحي ءارى تۇڭعىش سامميتى اتقارىلعان اۋقىمدى جۇمىستىڭ ءتۇيىنى بولماق.

- بۇگىنگى كەزدەسۋ ناتيجەسىندە ءبىزدىڭ اشىقتىق، ءوزارا قۇرمەت پەن سەنىم قاعيداتتارىنا نەگىزدەلگەن كوپجاقتى ىنتىماقتاستىعىمىزدىڭ كوكجيەگى كەڭەيەتىنىنە سەنىمدىمىن. گەوساياسي تۇرعىدا بولشەكتەنۋ بەلەڭ الىپ، جاھاندىق ەكونوميكانىڭ كونيۋنكتۋراسى قۇبىلىپ تۇرعان قازىرگى جاعدايدا ارنايى باعدارلامانىڭ ءمان-ماڭىزى ارتا تۇسەدى. ورتاق مۇددەنى ەسكەرە وتىرىپ، س پ ە ك ا- نى ودان ءارى دامىتۋ جونىندە ءوز كوزقاراسىمدى ورتاعا سالۋعا رۇقسات ەتىڭىزدەر. ورنىقتى دامۋ قاعيداتتارى مەملەكەتتەرىمىزدىڭ ۇلتتىق ستراتەگيالارى مەن باعدارلامالارىنىڭ وزەگىنە اينالدى. بۇگىندە قازاقستاندا مەملەكەتتىك بيۋدجەتتىڭ 80 پايىزى ورنىقتى دامۋ ماقساتتارىنا سايكەستەندىرىلدى. ۇكىمەتىمىزدىڭ ەڭ باستى مىندەتى - ساپالى ءبىلىم بەرۋ مەن دەنساۋلىق ساقتاۋ ءىسىنىڭ بارشاعا قول جەتىمدى بولۋىن قامتاماسىز ەتۋ. جۋىردا كۇشىنە ەنگەن جاڭا الەۋمەتتىك كودەكستە الەۋمەتتىك وسال توپتارعا جاتاتىن ازاماتتاردى قورعاۋ تەتىكتەرى جەتىلدىرىلدى، - دەدى پرەزيدەنت.

قازاقستان س پ ە ك ا ەلدەرىنە جالپى سوماسى 2,3 ميلليارد دوللار بولاتىن 175 شيكىزاتتىق ەمەس تاۋار ءتۇرىنىڭ ەكسپورتىن ۇلعايتۋعا دايىن.

مەملەكەت باسشىسى قازاقستان 1997 -جىلى ب ۇ ۇ- نىڭ ورتالىق ازيا ەكونوميكالارىنا ارنالعان ارنايى باعدارلاماسىن قۇرۋعا باستاماشى بولعانىن اتاپ ءوتتى.

ق ر پرەزيدەنتى ەلدىڭ بارلىق ازاماتى الەۋمەتتىك، تەحنولوگيالىق جانە ەكونوميكالىق پروگرەستىڭ پايداسىن تەڭ دارەجەدە كورە الاتىن ينكليۋزيۆتى كەلەشەكتى قامتاماسىز ەتۋ ماقساتىندا بۇل باعدارلامانى جۇزەگە اسىرۋدى جالعاستىرۋعا نيەتتى ەكەنىن باسا ايتتى.

قازاقستاننىڭ الماتىدا ورتالىق ازيا ەلدەرى مەن اۋعانستان ءۇشىن ب ۇ ۇ- نىڭ ورنىقتى دامۋ جونىندەگى وڭىرلىك ورتالىعىن قۇرۋ تۋرالى باستاماسى وسى ماقساتتىڭ ۇدەسىنەن شىعادى.

«ساۋدا مەن ءوزارا ءتيىمدى كووپەراتسيانى كەڭەيتۋگە ەلدەرىمىزدىڭ مۇمكىندىگى مول. قازىردىڭ وزىندە قازاقستان مەن س پ ە ك ا- عا قاتىسۋشى مەملەكەتتەر اراسىنداعى تاۋار اينالىمى قارقىندى تۇردە ءوسىپ كەلە جاتقانى بايقالادى. بىلتىر ءوزارا ساۋدا كولەمى ۇشتەن ءبىر ەسە ارتىپ، 10 ميلليارد دوللارعا جۋىقتادى. تاياۋ كەلەشەكتە بۇل كورسەتكىشتى ەكى ەسە ارتتىرۋعا تولىق مۇمكىندىگىمىز بار دەپ سانايمىن. ءبىز ءبىر- ءبىرىمىزدى باسەكەگە قابىلەتتى باعاعا ساي ءتۇرلى تاۋارلارمەن قامتاماسىز ەتە الامىز. وسى ارقىلى وزگە ەلدەردەن كەلەتىن يمپورتتى قىسقارتۋعا بولادى. قازاقستان سپەكا ەلدەرىنە جالپى سوماسى 2,3 ميلليارد دوللار بولاتىن 175 شيكىزاتتىق ەمەس تاۋار ءتۇرىنىڭ ەكسپورتىن ۇلعايتۋعا دايىن. «جاسىل» دالىزدەر جاساۋ، ءتۇرلى كەدەرگىلەردى الىپ تاستاۋ ساۋدا- ساتتىق جونىندەگى ىنتىماقتاستىعىمىزعا، سونىڭ ىشىندە قۇرىلىس، حيميا جانە تاماق ونەركاسىبى سالالارىنداعى ىقپالداستىعىمىزعا تىڭ سەرپىن بەرەدى. سونىمەن قاتار ءبىز سەرىكتەستەرىمىزدىڭ ءتيىستى ۇسىنىستارىن قاراستىرۋعا دايىنبىز»، - دەدى مەملەكەت باسشىسى.

ايتا كەتەيىك، سامميت بارىسىندا ازەربايجان پرەزيدەنتى يلحام اليەۆ، قىرعىزستان پرەزيدەنتى سادىر جاپاروۆ، تاجىكستان پرەزيدەنتى ەمومالي راحمون، وزبەكستان پرەزيدەنتى شاۆكات ميرزيەۆ، گرۋزيا پرەمەر- ءمينيسترى يراكلي گاريباشۆيلي، ماجارستان پرەمەر- ءمينيسترى ۆيكتور وربان، تۇرىكمەنستان مينيسترلەر كابينەتى ءتوراعاسىنىڭ ورىنباسارى حودجامۋراد گەلدىمۋرادوۆ، ب ۇ ۇ ەۋروپالىق ەكونوميكالىق كوميسسياسىنىڭ اتقارۋشى حاتشىسى تاتيانا مولچان، ازيا جانە تىنىق مۇحيتى وڭىرلەرىنە ارنالعان ەكونوميكالىق جانە الەۋمەتتىك كوميسسياسىنىڭ اتقارۋشى حاتشىسى (ە س ك ا ت و) ارميدا سالسيا اليشاحبانا، سونداي- اق شىعاناقتاعى اراب مەملەكەتتەرى ىنتىماقتاستىق كەڭەسىنىڭ باس حاتشىسى دجاسەم ءال- بۋدايۆي ءسوز سويلەدى.

مەملەكەت باسشىسى ق. توقايەۆ ب ۇ ۇ- نىڭ ورتالىق ازيا ەلدەرى ەكونوميكالارىنا ارنالعان باعدارلاماسىنىڭ (س پ ە ك ا) سامميتىنە قاتىسۋ ءۇشىن بۇگىن باكۋگە جۇمىس ساپارىمەن بارعانى جازعان بولاتىنبىز. الدىمەن، قاسىم-جومارت توقايەۆ ازەربايجان پرەزيدەنتى يلحام اليەۆپەن كەزدەسىپ، كەلىسسوز جۇرگىزدى.

اۆتور

گۇلميرا الياكپاروۆا

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى