پرەزيدەنت Power International Holding كومپانياسىنىڭ يەلەرىن قابىلدادى

اڭگىمەلەسۋ بارىسىندا ەلىمىزدە ەنەرگەتيكا، تەلەكوممۋنيكاتسيا سالالارىنداعى ءىرى ينۆەستيتسيالىق جوبالاردى ىسكە اسىرۋ بارىسى قاراستىرىلدى، دەپ حابارلايدى اقوردا.

Power International Holding (PIH) كومپانياسى قاشاعاندا گاز وڭدەۋ زاۋىتتارىن، بەينەۋ - بوزوي - شىمكەنت گاز قۇبىرىنىڭ ەكىنشى جەلىسىن، سونداي-اق جاڭا كومپرەسسور ستانسياسى مەن اقتوبە - قوستاناي ماگيسترالدى گاز قۇبىرىن سالۋعا قاتىسادى. قاسىم-جومارت توقايەۆ بۇل جوبالار ەلىمىزدىڭ ەنەرگەتيكالىق قاۋىپسىزدىگىن نىعايتۋعا ەلەۋلى ۇلەس قوساتىنىنا نازار اۋداردى.

PIH ديرەكتورلار كەڭەسىنىڭ ءتوراعاسى مۋاتاز ءال-حايات قازاق تاراپىمەن تەلەكوممۋنيكاتسيا، ەنەرگەتيكا سالالارىنداعى ينۆەستيتسيالىق جوبالار بويىنشا تۇبەگەيلى كەلىسىمگە كەلگەنىن ايتىپ، اتالعان باعىتتاعى جۇمىستى جۇزەگە اسىرۋ جوسپارىن تانىستىردى.

سونىمەن قاتار كومپانيا قازىر قىزىلوردا وبلىسىندا بۋ-گاز قوندىرعىسىن سالۋ جانە وبلىس ارالىق ەلەكتر جەلىلەرىن تارتۋ جوبالارىنا كەلىسسوز جۇرگىزىپ جاتىر.

بۇدان بولەك، قاتار كونگلومەراتىنىڭ باسشىلارى جاساندى ينتەللەكت باعىتىندا بىرلەسكەن باستامالاردى قولعا الۋعا قىزىعۋشىلىق تانىتىپ وتىر.

مەملەكەت باسشىسى قازاقستان ۇكىمەتى تاراپىنان قاتارلىق ينۆەستورعا قولايلى جاعداي جاسالاتىنىن راستاپ، بارلىق جۇمىستى جوعارى ستاندارتتارعا ساي ناتيجەلى ورىنداۋدىڭ ماڭىزىن اتاپ ءوتتى.

ايتا كەتسەك، قاتار استاناسى دوحا قالاسىندا 7-8 -جەلتوقسان كۇندەرى جاھاندىق سىن- قاتەرلەردى تالقىلاپ، ءتۇرلى سالاداعى يننوۆاتسيالىق شەشىمدەردى ىزدەۋگە ارنالعان حالىقارالىق فورۋم (Doha Forum) وتەدى.

Kazinform اگەنتتىگى اتالعان ءىس-شارانىڭ ماڭىزى تۋرالى شولۋ ۇسىنادى.

بۇعان دەيىن حابارلاعانىمىزداي، قاتار كومپانياسى قاشاعان گازىن وڭدەيتىن زاۋىتتىڭ 75 پايىز اكسياسىن ساتىپ الادى.

بۇگىن مەملەكەت باسشىسى قاتارعا جۇمىس ساپارىمەن باردى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى