پرەزيدەنت ميانما جانە تايلاند ەلدەرىنىڭ مەملەكەت باسشىلارىنا كوڭىل ايتۋ جەدەلحاتىن جولدادى

- قاسىم-جومارت توقايەۆ جەدەلحاتىندا ميانماداعى جەر سىلكىنىسى سالدارىنان كوپتەگەن ادامنىڭ قازا تاپقانى تۋرالى سۋىت حاباردى تەرەڭ كۇيزەلىسپەن قابىلداعانىن جەتكىزىپ، وسى ەلدىڭ پرەمەر-مينيسترىنە جانە جاقىندارىنان ايىرىلعان وتباسىلارعا كوڭىل ايتتى. سونىمەن قاتار زارداپ شەككەندەردىڭ تەز ارادا ساۋىعىپ كەتۋىنە تىلەكتەستىك ءبىلدىردى، - دەلىنگەن حابارلامادا.

ەسكە سالا كەتەيىك، ميانمادا 7,9 بالدىق جەر سىلكىنىسى تىركەلىپ، قازا تاپقاندار سانى 144 كە جەتكەن بولاتىن.

مەملەكەت باسشىسى تايلاندتاعى جەر سىلكىنىسى سالدارىنان كوپتەگەن ادامنىڭ قازا تابۋىنا بايلانىستى، وسى ەلدىڭ پرەمەر-مينيسترىنە كوڭىل ايتۋ جەدەلحاتىن جولداعان ەدى.

قاسىم-جومارت توقايەۆ تايلاندتاعى جەر سىلكىنىسى سالدارىنان كوپتەگەن ادامنىڭ قازا تابۋىنا بايلانىستى وسى ەلدىڭ پرەمەر-ءمينيسترى پحەتحونگتحان چيناۆاتقا جانە جاقىندارىنان ايىرىلعان وتباسىلارعا كوڭىل ايتتى.

پرەزيدەنت تابيعات اپاتى كەزىندە جاراقاتتانعانداردىڭ تەز ارادا ساۋىعىپ، وتباسىلارىنا ءدىن امان ورالۋىنا تىلەكتەستىگىن ءبىلدىردى.

وسىعان دەيىن ميانما مەن تايلاندتا كۇشتى جەر سىلكىنىسى بولىپ، بانگكوكتا كوپقاباتتى ءۇي قيراعانى تۋرالى جازدىق.

سونداي-اق تايلاند پرەمەر-ءمينيسترى بانگكوكتى «توتەنشە جاعداي ايماعى» دەپ جاريالادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى