پرەزيدەنت مەملەكەت جانە قوعام قايراتكەرى ومىربەك بايگەلدىنىڭ وتباسى مەن تۋىستارىنا كوڭىل ايتتى

پرەزيدەنت اسا كورنەكتى مەملەكەت جانە قوعام قايراتكەرى، پارلامەنت سەناتىنىڭ تۇڭعىش ءتوراعاسى، «وتان» وردەنىنىڭ يەگەرى، اكادەميك ومىربەك بايگەلدى ۇلىنىڭ دۇنيەدەن وتۋىنە بايلانىستى ونىڭ وتباسى مەن جاقىن تۋىستارىنا كوڭىل ايتتى.

- ومىربەك بايگەلدى ۇلى ەگەمەندىكتىڭ بەرىك ىرگەتاسىن قالاسقان تۇعىرلى تۇلعا، وتانىمىزدىڭ دامۋىنا قاجىرلى ەڭبەك سىڭىرگەن ۇلتجاندى ازامات بولدى. قازاقستان رەسپۋبليكاسى پارلامەنتىنىڭ قالىپتاسۋىنا زور ۇلەس قوستى. عيبراتتى عۇمىر يەسى ءوزىنىڭ ناعىز پاراساتتى تۇلعاعا ءتان قادىر-قاسيەتىمەن بارشا جۇرتتىڭ سىي-قۇرمەتىنە بولەندى. سوڭىنا جارقىن ءىز قالدىرعان ومىربەك بايگەلدى ۇلىنىڭ ەسىمى مەن بەينەسى حالقىمىزدىڭ جادىندا ماڭگى ساقتالادى. مارقۇمنىڭ يمانى سالامات، جانى ءجانناتتا بولسىن، - دەپ جازىلعان جەدەلحاتتا.

بۇگىن استانا قالاسىندا كورنەكتى مەملەكەت جانە قوعام قايراتكەرى ومىربەك بايگەلدى ومىردەن ءوتتى.

اۆتور

ەلميرا ورالبايەۆا

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى