پرەزيدەنت: ەلىمىز تەرەڭ رەفورمالارعا ەندى عانا كىرىستى

- قازىر گەوساياسي احۋال ۋشىعىپ تۇر. مۇنداي كەزدە ەل بىرلىگىن، قوعامداعى تاتۋلىق پەن تۇراقتىلىقتى كوزدىڭ قاراشىعىنداي ساقتاۋىمىز كەرەك. بۇل - تۇراقتى دامۋعا قاجەتتى ەڭ باستى شارت.

ەلىمىز تەرەڭ ءارى جان-جاقتى رەفورمالارعا ەندى عانا كىرىستى. الدىمىزدا كۇردەلى جول تۇر. ءبىز وزىق ويلى ۇلت رەتىندە تەك قانا العا قاراۋىمىز كەرەك. الداعى بىرنەشە ون جىلدىققا كوز تىگىپ، اۋقىمدى شارۋالاردى كەزەڭ-كەزەڭىمەن اتقارۋىمىز قاجەت، - دەدى قاسىم-جومارت توقايەۆ.

پرەزيدەنت ەلىمىز ءوز ماقساتتارىن ۇزاق مەرزىمگە مەجەلەي ءبىلۋ كەرەكتىگىن ايتادى.

- ءبىز ۇزاق مەرزىمگە ارنالعان ماقساتقا ۇمتىلۋىمىز كەرەك. كەلەشەگىمىز قانداي بولۋى كەرەك ەكەنىن ناقتى بىلۋگە ءتيىسپىز. سەبەبى دۇرىس ماقسات قويا بىلسەك قانا، تابىسقا جەتە الامىز، - دەدى مەملەكەت باسشىسى.

- ءبىز ءۇشىن ەشكىم ەلىمىزدى دامىتىپ، كوركەيتىپ بەرمەيدى. قازاقستان ءوز ازاماتتارىمىزعا، ياعني بىزگە عانا كەرەك. ءبىز ءوز مۇمكىندىگىمىز بەن كۇش-قۋاتىمىزعا ارقا سۇيەۋىمىز قاجەت. سوندىقتان ۇلت رەتىندە العا باسۋعا نە كەدەرگى بولسا، سونىڭ بارىنەن ارىلىپ، ساپالى ۇلت بولۋعا ءتيىسپىز، - دەدى قاسىم-جومارت توقايەۆ ۇلتتىق قۇرىلتايدا.

مەملەكەت باسشىسىنىڭ ايتۋىنشا، ەلىمىزدى جاھانعا جايىلىپ كەلە جاتقان وزگەرىستەرگە دايىن بولۋى ءتيىس.

- قازاقستاندى كەز كەلگەن سىن-قاتەرگە توتەپ بەرە الاتىن قۋاتتى مەملەكەت ەتۋىمىز كەرەك. بۇل - مەنىڭ پرەزيدەنت رەتىندەگى باستى ميسسيام. بۇل - تۇتاس ۇلتىمىزعا ورتاق ماڭىزدى مىندەت، - دەيدى ول.

اۆتور

ەسىمجان ناقتىباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى