پرەزيدەنت ۇلتتىق وليمپيادا كوميتەتىنىڭ پرەزيدەنتى گەننادي گولوۆكيندى قابىلدادى
استانا. KAZINFORM - پرەزيدەنتكە ۇلتتىق وليمپيادا كوميتەتىنىڭ اتقارعان جۇمىسى جانە الداعى كەزەڭگە ارنالعان جوسپارى تۋرالى مالىمەت بەرىلدى، دەپ حابارلايدى اقوردا.
گەننادي گولوۆكين سپورت ينفراقۇرىلىمىن جاقسارتۋ، قازاقستاندىق سپورتشىلاردى تىڭعىلىقتى دايارلاۋ، ەلىمىزدىڭ حالىقارالىق ارەناداعى بەدەلىن كوتەرۋ جونىندە سالالىق مينيسترلىكپەن بىرگە قابىلدانعان شارالار تۋرالى ايتتى.
قاسىم-جومارت توقايەۆ ۇ و ك الدىندا وليمپيادالىق سپورت تۇرلەرىن ىلگەرىلەتۋ مەن كۇشەيتۋ بويىنشا ماڭىزدى مىندەتتەر تۇرعانىن اتاپ ءوتتى. پرەزيدەنتتىڭ ايتۋىنشا، قۇراما كوماندالارىمىزدىڭ الەمدىك باسەكەلەردەگى ناتيجەلەرىن ارتتىرا ءتۇسۋ قاجەت.
مەملەكەت باسشىسى گەننادي گولوۆكيندى حالىقارالىق بوكس فەدەراتسياسى (World Boxing) وليمپيادا كوميسسياسىنىڭ ءتوراعاسى بولىپ تاعايىندالۋىمەن قۇتتىقتادى.
بۇعان دەيىن حابارلانعانداي، پرەزيدەنت شاۆكات راحمونوۆتى UFC- دەگى كەزەكتى جەڭىسىمەن قۇتتىقتادى.
