پرەزيدەنت ۇلتتىق بانك ءتوراعاسى تيمۋر سۇلەيمەنوۆتى قابىلدادى

تيمۋر سۇلەيمەنوۆ ۇلتتىق بانكتىڭ بيىلعى جارتىجىلدىقتا جۇزەگە اسىرعان اقشا- كرەديت ساياساتىنىڭ قورىتىندىسى تۋرالى ەسەپ بەردى. قازاقستانداعى جانە الەمدەگى ەكونوميكالىق جاعدايدىڭ دامۋ بارىسى جانە ينفلياتسيانىڭ قارقىنى مەن ونى تۇراقتاندىرۋ شارالارى جونىندە باياندادى. جىلدىق ينفلياتسيانىڭ باسەڭدەگەنىن جانە ىشكى ەكونوميكادا پروينفلياتسيالىق فاكتورلاردىڭ ساقتالىپ وتىرعانىن ايتتى.

ءبىرىڭعاي جيناقتاۋشى زەينەتاقى قورىنىڭ اكتيۆتەرى مەن التىن-ۆاليۋتا رەزەرۆتەرىنىڭ جاي-كۇيىنە توقتالدى.

ۇلتتىق تولەم جۇيەسى مەن اشىق بانكينگ پرينتسيپتەرىن دامىتۋ جانە قازاقستاندىقتاردىڭ قارجىسىن الاياقتاردان قورعاۋ ءۇشىن انتيفرود-ورتالىق قۇرۋ جوبالارىن جۇزەگە اسىرۋعا قاتىستى مەملەكەت باسشىسى بەرگەن تاپسىرمالاردىڭ ورىندالۋ بارىسى تۋرالى ايتتى.

كەزدەسۋ سوڭىندا قاسىم-جومارت توقايەۆ ۇلتتىق بانكتىڭ قىزمەتىنە، سونىڭ ىشىندە ينفلياتسيانى ودان ءارى تۇراقتاندىرۋ جانە سيفرلىق قارجىلىق ينفراقۇرىلىم جاساۋ جونىندە ءبىرقاتار تاپسىرما بەردى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى