پرەزيدەنت كيىك سانىن رەتتەۋ ماسەلەسىن قايتا زەردەلەۋدى تاپسىردى

- ءبىز بالقاش كولىنىڭ اينالاسىندا تۇران جولبارىسىنىڭ پوپۋلياتسياسىن قالپىنا كەلتىرۋگە كىرىستىك. بۇل - شارۋاشىلىق قىزمەتكە بايلانىستى شەشۋگە تۋرا كەلەتىن كوپتەگەن ماسەلەمەن قاتار جۇرەتىن كۇردەلى مىندەت.

كەلەسى كەزەكتە ىلبىستەردى ساقتاپ، ونىڭ سانىن كوبەيتۋىمىز كەرەك، - دەدى مەملەكەت باسشىسى.

سونداي-اق، قاسىم-جومارت توقايەۆ كيىك سانىن رەتتەۋگە قاتىستى پايىمىن ايتتى.

- كەشە جۇمىس سەكسياسى كەزىندە «اۋىل» پارتياسىنىڭ وكىلدەرى كيىكتەر تۋرالى ماسەلە كوتەرگەنىن بىلەمىن. ايماقتاردان دا وسىعان قاتىستى وتىنىشتەر-حاتتار كەلىپ جاتىر. رۇقساتسىز اڭ اۋلاعاندارعا جازانى كۇشەيتۋ ءۇشىن مەنىڭ باستاماممەن 2019 -جىلى زاڭنامالىق شارالار قابىلداندى. وسى جانە باسقا دا جان-جاقتى شارالاردىڭ ارقاسىندا ەلىمىزدەگى كيىك سانى كۇرت ارتتى. قازىر ولارعا جويىلىپ كەتۋ قاۋپى ءتونىپ تۇرعان جوق.

ءبىراق، ەندى، باسقا ماسەلە تۋىندادى. اۋىل شارۋاشىلىعى زارداپ شەگىپ جاتىر. ەپيزووتيالىق احۋالدىڭ دا كۇردەلەنىپ كەتۋ قاۋپى بار. جالپى ەكوجۇيەگە تۇسەتىن سالماق ارتتى. ۇكىمەتكە بىلىكتى مامانداردى جۇمىلدىرا وتىرىپ، وسى ماسەلەنى جان-جاقتى زەردەلەۋدى جانە بايىپتى شەشىم قابىلداۋدى تاپسىرامىن، - دەدى پرەزيدەنت.

ايتا كەتۋ كەرەك، قۇرىلتايدىڭ پانەلدىك سەسسيالارى كەشە باستالعان. ول سەكسيالاردىڭ تاقىرىپتارى ازاماتتىق قوعام، مادەنيەت، ونەر، رۋحانيات، ءبىلىم جانە عىلىم، الەۋمەتتىك-ەكونوميكالىق دامۋ ماسەلەلەرىن قامتىدى.

اۆتور

ەسىمجان ناقتىباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى