پرەزيدەنت جوعارعى سوت ءتوراعاسى اسلامبەك مەرعاليەۆتى قابىلدادى
استانا. KAZINFORM - مەملەكەت باسشىسىنا ەلىمىزدە ءادىل سوت تورەلىگىن قامتاماسىز ەتۋ ماسەلەلەرى تۋرالى باياندالدى. سونداي-اق سوت جۇيەسىن رەفورمالاۋعا قاتىستى بۇعان دەيىن بەرىلگەن تاپسىرمالارىنىڭ ورىندالۋ بارىسى جايىندا ايتىلدى.
اسلامبەك مەرعاليەۆ سوت ىسىنە جاساندى ينتەللەكت پەن روبوتيزاتسيا ەلەمەنتتەرى بار IT- سەرۆيستەردىڭ ەنگىزىلۋى جونىندە مالىمەت بەردى.
بۇل شارا سوتتار قىزمەتىندەگى اشىقتىق پەن ءادىل سوت تورەلىگىنە ىقپال ەتەدى.
مەملەكەت باسشىسى سوت جۇيەسىندە جۇرگىزىلىپ جاتقان رەفورمالاردىڭ ساپاسىنا جانە ىستەردى قاراۋ كەزىندە سوتتىڭ بارلىق ساتىسىندا زاڭدىلىقتى ساقتاۋ ماسەلەسىنە ايرىقشا نازار اۋداردى.
سونىمەن قاتار قاسىم-جومارت توقايەۆ سوت قىزمەتىنە اقپاراتتىق تەحنولوگيالاردى ەنگىزۋ جۇمىستارىن جالعاستىرۋ ماڭىزدى ەكەنىن اتاپ ءوتتى.
