پرەزيدەنت جاساندى ينتەللەكت سالاسىنداعى ساراپشى لي كاي- فۋدى قابىلدادى
استانا. KAZINFORM - پرەزيدەنت الەمگە بەلگىلى كاسىپكەر جانە جاساندى ينتەللەكت سالاسىنداعى ساراپشى لي كاي-فۋدى قابىلدادى، دەپ حابارلايدى اقوردانىڭ باسپا ءسوز قىزمەتى.
مەملەكەت باسشىسى Sinovation Venture جاساندى ينتەللەكت ينستيتۋتىنىڭ پرەزيدەنتى، دوكتور لي كاي-فۋمەن كەزدەسۋدە وزىق تەحنولوگيالاردى ەنگىزۋدىڭ ستراتەگيالىق ماڭىزىن اتاپ ءوتتى. سونداي- اق الەمدەگى جەتەكشى ساراپشىلارمەن تاجىريبە الماسۋ سيفرلىق ترانسفورماتسياداعى ءورشىل ماقساتتارعا قول جەتكىزۋگە ىقپال ەتەتىنىن ايتتى.
قاسىم-جومارت توقايەۆ پەن لي كاي-فۋ جاساندى ينتەللەكتتى ءبىلىم، دەنساۋلىق ساقتاۋ، ەنەرگەتيكا جانە قوعامداعى باسقا دا ءتۇرلى سالالاردا پايدالانۋ بويىنشا پىكىر الماستى.
قىتاي مەن ا ق ش ەلدەرىندە جاساندى ينتەللەكت سالاسىن دامىتۋدا جانە باعدارلامالىق ونىمدەر ازىرلەۋدە باي تاجىريبەسى بار لي كاي-فۋ قازاقستاننىڭ IT باستامالاردى ەنگىزۋ، باسەكەگە قابىلەتتى تەحنولوگيالىق ەكوجۇيە قۇرۋ ىسىندەگى الەۋەتىن جوعارى باعالادى.
وسىعان دەيىن ەلىمىزدە بيۋدجەتتى جوسپارلاۋدا جاساندى ينتەللەكت قولدانىلاتىنى تۋرالى جازدىق.
