پرەزيدەنت جارلىعى: قورعانىس مينيسترلىگىنىڭ وكىلەتتىگى وزگەردى

- قورعانىس مينيسترلىگى ونەركاسىپ جانە قۇرىلىس مينيسترلىگىنە كەيبىر سالاداعى فۋنكتسيالارى مەن وكىلەتتىگىن بەرە وتىرىپ، قايتا قۇرىلسىن، - دەلىنگەن جارلىق ماتىنىندە.

- مەملەكەتتىك قورعانىس تاپسىرىسىن قالىپتاستىرۋ، باسشىلىق ەتۋ جانە سالاارالىق ۇيلەستىرۋ؛

- اسكەري-تەحنيكالىق ىنتىماقتاستىقتى جۇزەگە اسىرۋ؛

- مەملەكەتتىك قورعانىس تاپسىرىسى شەڭبەرىندە اسكەري ماقساتتاعى تاۋارلار مەن ونىمدەرگە، قوس ماقساتتاعى تاۋارلار مەن ونىمدەرگە، اسكەري ماقساتتاعى جۇمىستارعا جانە اسكەري ماقساتتاعى قىزمەتتەرگە باعا بەلگىلەۋ.

وسىلايشا قورعانىس مينيسترلىگىنەن بەرىلەتىن فۋنكتسيالار مەن وكىلەتتىكتەرگە سايكەس ونەركاسىپ جانە قۇرىلىس مينيسترلىگى قۇقىق پەن مىندەتتەمەلەردىڭ ميراسقورى بولىپ بەلگىلەندى.

وسى ورايدا پرەزيدەنت ۇكىمەتكە دە تاپسىرما جۇكتەدى:

- ق ر پرەزيدەنتى اكىمشىلىگىنىڭ كەلىسىمى بويىنشا قايتا ۇيىمداستىرىلاتىن مەملەكەتتىك ورگاندار مەن ولارعا ۆەدومستۆولىق باعىنىستى ۇيىمداردىڭ شتات سانىن قايتا ءبولۋ؛

- وسى جارلىقتى ىسكە اسىرۋ جونىندە وزگە دە شارالار قابىلداۋ.

جارلىق 2025-جىلى 13-اقپاندا قولدانىسقا ەنگىزىلدى.

ايتا كەتسەك، 13-اقپاندا مەملەكەت باسشىسى قاسىم-جومارت توقايەۆ قازاقستان رەسپۋبليكاسىنىڭ ازاماتتارىن 2025-جىلدىڭ ناۋرىز - ماۋسىمىندا جانە قىركۇيەك - جەلتوقسانىندا مەرزىمدى اسكەري قىزمەتكە كەزەكتى شاقىرۋ تۋرالى تۋرالى جارلىققا قول قويدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى