پرەزيدەنت ءىس باسقارماسىنىڭ قىزمەتكەرلەرى توعىزقۇمالاقتان ءوزارا مىقتىنى انىقتادى
استانا. KAZINFORM - كەشە پرەزيدەنت ءىس باسقارماسىندا ناۋرىز مەيرامى قارساڭىندا توعىزقۇمالاقتان تۋرنير ءوتتى.
جارىسقا ءىس باسقارماسىنا قاراستى مەكەمە قىزمەتكەرلەرىنەن قۇرالعان 15 كوماندا قاتىستى.
توعىزقۇمالاقتان تارتىستى باسەكەدە پرەزيدەنت ءىس باسقارماسى ورتالىق اپپاراتىنىڭ ويىنشىلارى ەرلان امىرعاليەۆ پەن الما ساعيجان قىزى باس جۇلدەنى جەڭىپ الدى.
ەكىنشى ورىن م ت ق ب اكىمشىلىك عيماراتتار ديرەكسياسىنىڭ كومانداسىنا بۇيىردى. بۇل ۇجىمنىڭ نامىسىن بەكزات قارجاۋوۆ پەن اقەركە ءابدىحان قورعادى.
ال مەرۋەرت بەكىشيەۆا مەن ەلجاس ءجۇسىپتىڭ كومانداسى ق ر پرەزيدەنتىنىڭ اكىمشىلىگى مەن ۇكىمەتى اكىمشىلىك عيماراتتارى ديرەكسياسىنىڭ كومانداسى جۇلدەلى ءۇشىنشى ورىنعا يە بولدى.
ايتا كەتسەك، جەڭىمپازدار مەن جۇلدەگەرلەرگە ارنايى كۋبوك جانە ديپلوم تابىستالدى.
- سالاۋاتتى ءومىر سالتىن ناسيحاتتاۋعا باعىتتالعان سپارتاكيادا جىل سوڭىنا دەيىن جالعاسادى. الداعى ۋاقىتتا شاعىن فۋتبول، ۆولەيبول، شاحمات، قازاق كۇرەسى جانە باسقا دا سپورت تۇرلەرىنەن سايىستار وتەدى، - دەپ حابارلايدى پرەزيدەنت ءىس باسقارماسىنان.
بۇعان دەيىن پرەزيدەنت ءىس باسقارماسىنىڭ ۇيىتقى بولۋىمەن توعىزقۇمالاقتان تۋرنير ءوتىپ جاتقانىن تۋرالى حابارلاعان بولاتىنبىز.
ەسكە سالايىق، پرەزيدەنت ءىس باسقارماسىنىڭ قىزمەتكەرلەرى اراسىندا ءارتۇرلى سپورتتان تۋرنيرلەر تۇراقتى ۇيىمداستىرىلىپ تۇرادى. وتكەن جىلى ۆولەيبولدان ءوزارا مىقتىنى انىقتادى.
سونداي-اق بىلتىر قازاق كۇرەسىنەن دە تۋرنير وتكەن بولاتىن.
اۆتور داۋلەت ىزتىلەۋ
